CDC អាមេរិកប្រចាំនៅវៀតណាមត្រូវបានផ្តល់ថវិកាចំនួន ៣,៩ លានដុល្លារដើម្បីប្រយុទ្ធប្រឆាំងនឹង Covid-19

មជ្ឈមណ្ឌលត្រួតពិនិត្យ និងបង្ការជំងឺរាតត្បាតនៃសហរដ្ឋអាមេរិក (រូប​ថត៖ CDC.gov)

កិច្ចសហប្រតិបត្តិការសុខាភិបាលរវាងសហរដ្ឋអាមេរិក និងវៀតណាមគឺជាមូលដ្ឋានគ្រឹះនៃកិច្ចសហប្រតិបត្តិការទ្វេភាគីចាប់តាំងពីឆ្នាំ ១៩៩៨ នៅពេលដែល CDC សហរដ្ឋអាមេរិកបានសហការជាមួយវៀតណាមដើម្បីបង្កើតប្រព័ន្ធសុខាភិបាលប្រកបដោយនិរន្តរភាព និងមានគុណភាពខ្ពស់ ព្រមទាំងពង្រឹងសមត្ថភាពសុខាភិបាលសាធារណៈរយៈពេលវែង ការពារសុខភាពប្រជាជនវៀតណាម និងប្រជាជនអាមេរិក។ នៅខែមករាឆ្នាំ ២០២០ កន្លងទៅនេះ CDC សហរដ្ឋអាមេរិកបានជួយវៀតណាមក្នុងការរៀបចំ និងការទប់ទល់ទៅនឹងរោគរាតត្បាត Covid-19  រួមទាំងការផ្តល់ជំនួយបច្ចេកទេសសម្រាប់សកម្មភាពឆ្លើយតបជាបន្ទាន់ ការដឹកជញ្ជូនសំណាកវិភាគវីរុស ការធ្វើតេស្ត ការតាមដានជំងឺ  ការគ្រប់គ្រងការឆ្លងមេរោគ និងការផ្សព្វផ្សាយអំពីហានិភ័យផ្នែក​សុខាភិបាល។

គោលដៅនៃការទប់ទល់ផ្នែកសុខាភិបាលជាសកលរបស់ CDC សហរដ្ឋអាមេរិកចំពោះ Covid-19 គឺទប់ស្កាត់ការឆ្លងពីមនុស្សទៅមនុស្ស និងកាត់បន្ថយផលប៉ះពាល់ជាសកលរបស់ Covid-19 តាមរយៈកិច្ចសហប្រតិបត្តិការជាមួយបណ្តាប្រទេស និងដៃគូសំខាន់ៗ រួមទាំងអង្គការមិនមែនរដ្ឋាភិបាលដើម្បីកាត់បន្ថយការរងរបួស និងចន្លោះប្រហោងក្នុងការរៀបចំ៕

បកប្រែដោយ Duy Hoan