ផ្ទៃមេឃវៀតណាមនិងកូរ៉េខាងត្បូងនឹងភ្លឺឡើងវិញបន្ទាប់ពីរោគរាតត្បាត Covid-19
កប.អនឡាញ - ក្នុងបរិបទដែលជំងឺ Covid-19 មានការវិវត្តយ៉ាងស្មុគស្មាញ និងរីករាលដាលពាសពេញពិភពលោក ទំនាក់ទំនងការទូតរវាងប្រទេសនានាក៏រងផលប៉ះពាល់យ៉ាងខ្លាំងផងដែរ លោក Park Noh Wan ឯកអគ្គរដ្ឋទូតកូរ៉េខាងត្បូងប្រចាំនៅវៀតណាម បានសរសេរអត្ថបទមួយអំពីទំនាក់ទំនងរវាងកូរ៉េខាងត្បូង - វៀតណាម និងកិច្ចសហប្រតិបត្តិការរវាងប្រទេសទាំងពីរដើម្បីយកឈ្នះលើគ្រាលំបាកនេះ។
    |
 |
|
លោក Park Noh Wan ឯកអគ្គរដ្ឋទូតកូរ៉េខាងត្បូងប្រចាំនៅវៀតណាម (រូបថត៖ vietnamplus.vn) |
អត្ថបទបានបង្ហាញថា៖ ជំងឺ Covid-19 កំពុងរីករាលដាលយ៉ាងឆាប់រហ័សនៅអាមេរិក អឺរ៉ុប និងនៅលើពិភពលោក ហើយគ្មានតំបន់ណាមួយអាចធានាសុវត្ថិភាពពីជំងឺនេះឡើយ។ ក៏ប៉ុន្ដែមានប្រទេសខ្លះកំពុងវិលត្រឡប់មករកជីវភាពរស់នៅប្រចាំថ្ងៃដូចធម្មតាក្រោយរោគរាតត្បាត Covid-19 ដែលក្នុងនោះវៀតណាម និងកូរ៉េខាងត្បូងបានទប់ស្កាត់ការរីករាលដាល Covid-19 យ៉ាងល្អ និងត្រូវបានគេវាយតម្លៃថាជាគំរូល្អមួយសម្រាប់ប្រទេសដទៃទៀតនៅលើពិភពលោក។
រដ្ឋាភិបាលវៀតណាមបានអនុញ្ញាតឱ្យបុគ្គលិកនៃសាជីវកម្មធំៗដូចជា Samsung, LG ក៏ដូចជាសហគ្រាសធុនតូច និងមធ្យមរបស់កូរ៉េខាងត្បូងចូលមកប្រទេសវៀតណាមដើម្បីធានាការធ្វើអាជីវកម្មនិងផលិតកម្មរបស់សហគ្រាសកូរ៉េខាងត្បូងផងដែរ។
ក្រៅពីនេះ រដ្ឋាភិបាលវៀតណាមក៏កំពុងផ្លាស់ប្តូរយោបល់ជាមួយស្ថានទូតកូរ៉េខាងត្បូងដើម្បីកសាងភាពប្រក្រតីឡើងវិញនៃទំនាក់ទំនងរវាងប្រទេសទាំងពីរ៕
បកប្រែដោយ Pham Diep