មិត្តដ៏ជិតស្និទរបស់ក្រុម K73 ក្នុងដំណើរដ៏ពិសិដ្ឋ

ក្នុងរយៈពេលជិត ២០ ឆ្នាំជាប្រធានក្រុម លោកវរសេនីយ៍ឯក ម៉ៅ ឡា បានក្លាយជាមិត្តដ៏ជិតស្និទ្ធរបស់ក្រុម K73 (ក្រុមស្វែងរក និងប្រមូលអដ្ឋិធាតុយុទ្ធជនពលី) នៃបញ្ជាការដ្ឋានយោធាខេត្ត Long An ក្នុងដំណើរដ៏ពិសិដ្ឋ។

លោកវរសេនីយ៍ឯក ម៉ៅ ឡា (ទីបីពីឆ្វេង) និងកម្មាភិបាល យុទ្ធជន នៃក្រុម K73 ធ្វើពិធីប្រគល់អដ្ឋិធាតុកងទ័ពស្ម័គ្រចិត្តវៀតណាម

រយៈពេល ២០ ឆ្នាំរួមដំណើរជាមួយក្រុម K73 គឺជាអនុស្សាវរីយ៍ដែលមិនអាចបំភ្លេចបានសម្រាប់លោកវរសេនីយ៍ឯក ម៉ៅ ឡា នៅពេលប្រឈមមុខនឹងការលំបាក និងឧបសគ្គក្នុងពេលបំពេញកាតព្វកិច្ច។ នៅដើមសតវត្សន៍ទី ២១ ប្រទេសកម្ពុជានៅតែជួបការលំបាក ខេត្តស្វាយរៀងភាគច្រើនជាព្រៃស្រោង ផ្លូវថ្នល់មិនទាន់មានការអភិវឌ្ឍ។ ដូច្នេះ ការស្វែងរកសាក្សីដើម្បីផ្តល់ព័ត៌មានអំពីផ្នូរយុទ្ធជនពលីត្រូវដើរក្នុងចំងាយពី ៥ ទៅ ១០ គីឡូម៉ែត្រ តាមផ្លូវដីក្រហមភក់ ដើម្បីចូលទៅក្នុងភូមិនានានៃប្រទេសមិត្ត។ ភាពលំបាកលំបិលក្នុងដំណើរការទៅស្វែងរក និងប្រមូលអដ្ឋិធាតុយុទ្ធជនពលីបានបង្កើតចំណងមិត្តភាពជិតស្និទ្ធរវាងលោកជាមួយកម្មាភិបាល និងយុទ្ធជន នៃក្រុម K73។

បន្ទាប់ពីលើកការស្វែងរកអស់រយៈពេលពីរឆ្នាំដោយសារការរីករាលដាលនៃ Covid-19 កម្មាភិបាល និងយុទ្ធជននៃក្រុម K73 ដែលបំពេញភារកិច្ចស្វែងរកអដ្ឋិធាតុយុទ្ធជនពលីក្នុងដំណាក់កាលរដូវប្រាំង ២០២១-២០២១ ភាគច្រើនជាអ្នកដែលទៅប្រទេសជាលើកដំបូង។ ដោយសារភាសា និងទំនៀមទម្លាប់របស់ប្រជាជននៃប្រទេសមិត្តវាខុសពីប្រទេសវៀតណាម បានជាធ្វើឲ្យពួកគេមានអារម្មណ៍ភ្ញាក់ផ្អើល និងព្រួយបារម្ភ។ ទោះជាយ៉ាងនេះក្តី ក្នុងនាមជារាមច្បង និងជាមិត្តជិតស្និទ្ធិ លោកវរសេនីយ៍ឯក ម៉ៅ ឡា បានភ្ជាប់ទំនាក់ទំនងរវាងមន្ត្រីវ័យក្មេងនៃតំបន់ប្រតិបត្តិការសឹករងខេត្តស្វាយរៀង ជាមួយក្រុម K73។

លោកវរសេនីយ៍ឯក ម៉ៅ ឡា បានចែករំលែកយ៉ាងរំជើបរំជួលថា៖ “កាលខ្ញុំនៅក្មេង ខ្ញុំបានតាមគ្រួសារទៅប្រទេសវៀតណាម ដើម្បីគេចពីពួក ប៉ុល ពត រស់នៅស្រុក Tan Tru ខេត្ត Long An ។ ខ្ញុំគិតថា ជីវិតនឹងជួបទុក្ខវេទនាជាបន្តបន្ទាប់ ប៉ុន្តែវាមិនដូចអ្វីដែលខ្ញុំគិតនោះទេ គ្រួសារ និងជនភៀសខ្លួនកម្ពុជា តែងតែទទួលបានការយកចិត្តទុកដាក់ពីរអាជ្ញាធរ និងប្រជាជនវៀតណាម ដោយជួយថែទាំទាំងការហូបចុក ទាំងការស្នាក់នៅយ៉ាងគ្រាប់គ្រាន់។ ខ្ញុំរំភើបចិត្តចំពោះកងទ័ព និងប្រជាជនវៀតណាម ដែលបានជួយគ្រួសារយើងខ្ញុំ ក៏ដូចជាប្រជាជនយើង។ ខ្ញុំត្រូវប្រឹងប្រែងស្វែងរកកងទ័ពស្ម័គ្រចិត្ត និងអ្នកជំនាញវៀតណាម ដើម្បីសងគុណពួកគេ»។

ទង្វើរបស់លោកវរសេនីយ៍ឯក ម៉ៅ ឡា គឺជាសក្ខីភាពនៃចំណងសាមគ្គីភាព និងមិត្តភាពរវាងប្រជាជនទាំងពីរ ដែលតែងតែស្ថិតស្ថេរក្នុងការអភិវឌ្ឍន៍របស់ប្រទេសទាំងពីរ៕

បកប្រែដោយ Duy Hoan