កងទ័ពការពារព្រំដែនខេត្ត Dong Thap ប្រគល់ថវិកា និងសម្ភារៈបរិក្ខារពេទ្យសម្រាប់ការទប់ទល់នឹងជំងឺរាតត្បាតជូនដល់កម្លាំងការពារព្រំដែនកម្ពុជា

លោកវរសេនីយ៍ឯក Le Van Luan មេបញ្ជាការកងទ័ពការពារព្រំដែនខេត្ត Dong Thap បានប្រគល់ថវិកា ១០០ លានដុង ម៉ាស និងទឹកលាងដៃសម្លាប់មេរោគជូនដល់ស្នងការដ្ឋាននគរបាលខេត្តព្រៃវែង។

លោកវរសេនីយ៍ឯក Le Van Luan មេបញ្ជាការកងទ័ពការពារព្រំដែនខេត្ត Dong Thap ប្រគល់ថវិកា ១០០ លានដុងជូនដល់ស្នងការដ្ឋាននគរបាលខេត្តព្រៃវែង (រូបថត៖ bienphong.com.vn)

តាងនាមកម្លាំងការពារព្រំដែនខេត្តព្រៃវែង លោកឧត្តមសេនីយ៍ត្រី ព្រុំ សន្ធរ ស្នងការនៃស្នងការដ្ឋាននគរបាលខេត្តព្រៃវែងបានថ្លែងអំណរគុណចំពោះមនោសញ្ចេតនាដ៏ល្អ ការយកចិត្តទុកដាក់ និងជំនួយដ៏មានតម្លៃរបស់បញ្ជាការដ្ឋានកងទ័ពការពារព្រំដែនខេត្ត Dong Thap។ លោកបញ្ជាក់ថា នេះជាការលើកទឹកចិត្តដ៏ធំធេងសម្រាប់កម្លាំងការពារព្រំដែនខេត្តព្រៃវែងក្នុងការប្រយុទ្ធប្រឆាំងនឹងជំងឺ Covid-19 ចូលរួមចំណែកកសាងតំបន់ព្រំដែនសន្តិភាព មិត្តភាព សហប្រតិបត្តិការ និងអភិវឌ្ឍន៍៕

បកប្រែដោយ Thuy Anh