ក្រុមការងារដឹកនាំដោយលោកវរសេនីយ៍ឯក Luyen Van Quy ប្រធាននយោបាយអង្គភាពបណ្តុះបណ្តាលសិក្ខាកាមអន្តរជាតិនៃវិទ្យាស្ថាននយោបាយ បានទៅសួរសុខទុក្ខលោកវរសេនីយ៍ឯក Kalan Suck Nakhon ជាសិក្ខាកាមថ្នាក់២៤H-កសាងបក្ស នៃអង្គភាពបណ្តុះបណ្តាលសិក្ខាកាមអន្តរជាតិ (វិទ្យាស្ថាននយោបាយ) ដែលកំពុងព្យាបាលនៅផ្នែកអង់ដូគ្រីណូឡូស៊ី មន្ទីរពេទ្យយោធាលេខ១០៣។

leftcenterrightdel
ក្រុមការងារនៃអង្គភាពបណ្តុះបណ្តាលសិក្ខាកាមអន្តរជាតិ វិទ្យាស្ថាននយោបាយ ទៅសួរសុខទុក្ខលោកវរសេនីយ៍ឯក Kalan Suck Nakhon ជាសិក្ខាកាមនៃកងទ័ពប្រជាជនឡាវ ដែលកំពុងព្យាបាលនៅមន្ទីរពេទ្យយោធាលេខ ០៣ (វិទ្យាស្ថានពេទ្យយោធា)។

leftcenterrightdel
លោកវរសេនីយ៍ឯក Luyen Van Quy (ខាងឆ្វេង) ប្រធាននយោបាយនៃអង្គភាពបណ្តុះបណ្តាលសិក្ខាកាមអន្តរជាតិ នៃវិទ្យាស្ថាននយោបាយ លើកទឹកចិត្តដល់ក្រុមគ្រួសារអ្នកជំងឺ

ចាប់តាំងពីពេលដែលសិក្ខាកាមបានបញ្ជូនមកមន្ទីពេទ្យ គណៈកម្មាធិការបក្ស គណៈនាយកវិទ្យាស្ថាន​ពេទ្យយោធាលេខ១០៣ បានដឹកនាំ និងចាត់បញ្ជូនតំណាងចុះសួរសុខទុក្ខ លើកទឹកចិត្ត និងផ្តល់ការគាំទ្រទាន់ពេលវេលា ព្រមទាំងស្នើឱ្យអង្គភាពបណ្តុះបណ្តាលសិក្ខាកាមអន្តរជាតិតាមដានស្ថានភាពជាប្រចាំ និងសម្របសម្រួលយ៉ាងសកម្មជាមួយមន្ទីរពេទ្យយោធាលេខ ១០៣ ក្នុងការថែទាំ និងព្យាបាល ដោយបង្ហាញពីការទទួលខុសត្រូវរបស់អង្គភាព​បណ្តុះបណ្តាលគ្រប់គ្រងសិក្ខាកាមអន្តរជាតិ ខណៈពេលដែលបញ្ជាក់ពីទំនាក់ទំនងសាមគ្គីភាពពិសេស និងស្មោះត្រង់រវាងប្រជាជន និងកងទ័ពនៃប្រទេសទាំងពីរ វៀតណាម និងឡាវ។

leftcenterrightdel
ថ្នាក់ដឹកនាំ និងមេបញ្ជាការនៃអង្គភាពបណ្តុះបណ្តាលសិក្ខាកាមអន្តរជាតិ និងតំណាងមកពីថ្នាក់ផ្សេងៗ ទៅសួរសុខទុក្ខលោកវរសេនីយ៍ឯក Kun Saran  ដែលជាសិក្ខាកាមនៃវគ្គបណ្តុះបណ្តាលរយៈពេលខ្លីផ្នែកអប់រំចិត្តសាស្រ្តនាយទាហានជាន់ខ្ពស់ នៃកងយោធពលខេមភូមិន្ទ បន្ទាប់ពីព្យាបាលនៅមន្ទីរពេទ្យយោធាលេខ ១០៣

គួររំលឹកថា លោកវរសេនីយ៍ឯក Kun Saran  ដែលជាសិក្ខាកាមនៃវគ្គបណ្តុះបណ្តាលរយៈពេលខ្លីផ្នែកអប់រំចិត្តសាស្រ្តនាយទាហានជាន់ខ្ពស់ នៃកងយោធពលខេមភូមិន្ទ បានរងរបួសដាច់សរសៃឈាមខួរក្បាល ដែលខ្វិនសាច់ដុំមុខបណ្តាលមកពីភាពមិនប្រក្រតីនៃសរសៃប្រសាទខួរក្បាលទីប្រាំពីរ  ក៏ទទួលបានការយកចិត្តទុកដាក់ ការទៅសួរសុខទុក្ខ និងការលើកទឹកចិត្តទាន់ពេលវេលាពីគណៈកម្មាធិការបក្ស គណៈនាយកនៃវិទ្យាស្ថាននយោបាយ និងថ្នាក់ដឹកនាំ និងមេបញ្ជាការនៃអង្គភាពបណ្តុះបណ្តាលសិក្ខាកាមអន្តរជាតិផងដែរ។

លោកវរសេនីយ៍ឯក Nguyen Van Cuong ប្រធានអង្គភាពបណ្តុះបណ្តាលសិក្ខាកាមអន្តរជាតិ បានថ្លែងថា ចំពោះស្ថានភាពលំបាករបស់សិក្ខាកាម ថ្នាក់ដឹកនាំ និងមេបញ្ជាការនៃអង្គភាពបានរៃអង្គាសថវិកាក្នុងចំណោមកម្មាភិបាល គ្រូបង្រៀន សិក្ខាកាម និងបុគ្គលិក ដើម្បីឧបត្ថម្ភ​រសិក្ខាកាមក្នុងអំឡុងពេលព្យាបាលជំងឺ៕

បកប្រែដោយ Duy Hoan