ពេទ្យយោធាវៀតណាម-កម្ពុជា ពិនិត្យសុខភាពជូនប្រជាជននៅក្នុងឃុំព្រំដែន

នេះគឺជាកម្មវិធីមួយក្នុងក្របខ័ណ្ឌនៃជំនួបប្រាស្រ័យមិត្តភាពការពារជាតិព្រំដែនវៀតណាម-កម្ពុជាលើកទីពីរ។ កម្មវិធីនេះដោយអគ្គនាយកដ្ឋានភស្តុភារ និងបច្ចេកទេសបញ្ជាឲ្យនាយកដ្ឋានពេទ្យយោធារៀបចំអនុវត្ត។ មន្ទីរពេទ្យយោធាលេខ១៧៥ គឺជាកម្លាំងជំនាញស្នូល ដែលសម្របសម្រួលជាមួយពេទ្យយោធានៃកងយោធពលខេមរភូមិន្ទ ដើម្បីពិនិត្យសុខភាព និងផ្តល់ថ្នាំដោយឥតគិតថ្លៃជូនប្រជាជននៅតំបន់ព្រំដែននៃប្រទេសទាំងពីរ។

ក្រុមការងារបាននាំមកឧបករណ៍វេជ្ជសាស្ត្រទំនើបៗជាច្រើនរៀបចំពិនិត្យសុខភាព ផ្តល់យោបល់ និងផ្តល់ថ្នាំដោយឥតគិតថ្លៃ ជូនប្រជាពលរដ្ឋជិត ១០០០ នាក់នៅឃុំ Long Thuan។

លោកវរសេនីយ៍ឯកបំរុង បណ្ឌិត Dao Duc Tien នាយរងមន្ទីរពេទ្យយោធាលេខ ១៧៥ បានមានប្រសាសន៍ថា ការពិនិត្យព្យាបាលជំងឺនេះក្នុងគោលបំណងជួយប្រជាជននៅតំបន់ព្រំដែន និងជនជាតិភាគតិចទទួលបានការថែទាំសុខភាព និងសេវាកម្មសុខាភិបាលដែលមានគុណភាព។ ក្នុងពេលជាមួយគ្នានេះ វាគឺជាឱកាសមួយសម្រាប់កងកម្លាំងពេទ្យយោធាវៀតណាម និងកម្ពុជា ផ្លាស់ប្តូរ ចែករំលែកបទពិសោធន៍វិជ្ជាជីវៈ ពង្រឹងចំណងសាមគ្គីភាព មិត្តភាព។

កាសែតកងទ័ពប្រជាជនសូមជូនរូបភាពមួយចំនួននៃការពិនិត្យសុខភាព៖

លោកឧត្តមសេនីយ៍ត្រី Tran Cong Truong អនុប្រធាននាយកដ្ឋានពេទ្យយោធា អគ្គនាយកដ្ឋានភស្តុភារនិងបច្ចេកទេស មានប្រសាន៍បើកកម្មវិធី

ប្រតិភូនៃប្រទេសទាំងពីរនៅក្នុងកម្មវិធី

ប្រជាជនជាច្រើនបានចូលរួមកម្មវិធី

តំបន់វាស់សម្ពាធឈាម

បន្ទប់អ៊ុលត្រាសោន

យុវជនក្នុងស្រុកបានជួយប្រជាជនដែលមកពិនិត្យសុខភាព

សាលាប្រជុំឃុំ Long Thuan ត្រូវបានរៀបចំជាតុពិនិត្យនានា

តុពិនិត្យភ្នែក

នៅខាងក្នុងរថយន្តថតកាំរស្មីអ៊ិច

តុពិនិត្យត្រចៀក - ច្រមុះ - បំពង់ក

កន្លែងផ្តល់ថ្នាំ

បកប្រែដោយ Duy Hoan