កិច្ចពិភាក្សានេះមានគោលបំណងឯកភាពលើខ្លឹមសារ និងចុះហត្ថលេខាលើកិច្ចព្រមព្រៀង ស្តីពីការរៀបចំកងកម្លាំងស្វែងរក និងប្រមូលអដ្ឋិធាតុរបស់កងទ័ពស្ម័គ្រចិត្ត និងអ្នកជំនាញការវៀតណាមដែលបានពលីជីវិតក្នុងសម័យសង្គ្រាមនៅខេត្តរតនគីរី សម្រាប់រដូវប្រាំងឆ្នាំ២០២៥-២០២៦។

leftcenterrightdel
គណៈកម្មការជំនាញខេត្ត Gia Lai និងគណៈកម្មការជំនាញខេត្តរតនគិរី ចុះហត្ថលេខាលើកិច្ចព្រមព្រៀង (រូបថត៖ baogialai.com.vn)

នៅក្នុងកិច្ចពិភាក្សា គណៈកម្មការជំនាញខេត្ត Gia Lai និងគណៈកម្មការជំនាញខេត្តរតនគិរី បានពិភាក្សា និងឯកភាពចុះហត្ថលេខាលើកិច្ចព្រមព្រៀង ដែលមានខ្លឹមសារសំខាន់ៗជាច្រើន។ ជាពិសេស ខេត្តទាំងពីរនឹងជំរុញការផ្លាស់ប្តូរព័ត៌មាន គាំទ្រគ្នាទៅវិញទៅមក និងខិតខំស្វែងរកអដ្ឋិធាតុយុទ្ធជនពលីពី ៧ ទៅ ១០ អដ្ឋិធាតុ ឬច្រើនជាងនេះនៅក្នុងខេត្តរតនគិរី។

មានប្រសាសន៍ក្នុងកិច្ចពិភាក្សា លោក ម៉ា វិចិត្រ អភិបាលរងខេត្ត និងជាប្រធានគណៈកម្មការជំនាញខេត្តរតនគិរី បានសង្កត់ធ្ងន់ថា៖ ក្នុងរយៈពេលកន្លងមក ខេត្តទាំងពីរបានតម្លើងទំនាក់ទំនង រឹតបន្តឹងសាមគ្គីភាព និងមិត្តភាព ដើម្បីកសាងបន្ទាត់ព្រំដែនប្រកបដោយសន្តិភាព និងសហប្រតិបត្តិការវិនិយោគដើម្បីអភិវឌ្ឍសេដ្ឋកិច្ចសង្គម ពង្រឹងការផ្លាស់ប្តូរព័ត៌មាន ដើម្បីស្វែងរក និងប្រមូលអដ្ឋិធាតុកងទ័ពស្ម័គ្រចិត្តវៀតណាម និងអ្នកជំនាញការវៀតណាមដែលបានពលីជីវិតក្នុងសម័យសង្គ្រាមនៅក្នុងមូលដ្ឋាន។

leftcenterrightdel
ទិដ្ឋភាពនៃកិច្ចពិភាក្សា (រូបថត៖ baogialai.com.vn)

លោក ម៉ា វិចិត្រ បានមានប្រសាសន៍ថា លោកនឹងដឹកនាំស្ថាប័ន កងកម្លាំងមានសមត្ថកិច្ច និងប្រជាជនក្នុងខេត្តរតនគិរី ជួយគាំទ្រដល់គណៈកម្មការជំនាញខេត្ត Gia Lai និងក្រុម K52 (បញ្ជាការដ្ឋានយោធាខេត្ត Gia Lai) ស្វែងរក និងប្រមូលអដ្ឋិធាតុយុទ្ធជនពលីសម្រាប់រដូវប្រាំងឆ្នាំ ២០២៥-២០២៦ និងឆ្នាំបន្តបន្ទាប់ ដើម្បីធ្វើមាតុភូមិនិវត្តន៍អដ្ឋិធាតុយុទ្ធជនពលីនាពេលឆាប់ៗខាងមុខ។

លោកស្រី Nguyen Thi Thanh Lich អនុប្រធានគណៈកម្មាធិការប្រជាជនខេត្ត បានសង្កត់ធ្ងន់ថា៖ តាមការព្យាករណ៍ថា ក្នុងរដូវប្រាំងឆ្នាំ ២០២៥-២០២៦ ការអនុវត្តភារកិច្ចស្វែងរក និងប្រមូលអដ្ឋិធាតុកងទ័ពស្ម័គ្រចិត្ត និងអ្នកជំនាញការវៀតណាមដែលបានពលីជីវិតនៅខេត្តរតនគិរី នឹងជួបការលំបាកជាច្រើន។ ដូច្នេះ គណៈកម្មការជំនាញខេត្ត Gia Lai សង្ឃឹមថា គណៈកម្មការជំនាញខេត្តរតនគិរី នឹងបន្តគាំទ្រ និងជួយឧបត្ថម្ភក្រុម K52 ក្នុងការស្វែងរកអដ្ឋិធាតុយុទ្ធជនពលីបន្ថែមទៀតនៅឆ្នាំបន្តបន្ទាប់៕

បកប្រែដោយ Huyen Trang