វៀតណាម-កម្ពុជាពង្រឹងកិច្ចសហប្រតិបត្តិការក្នុងការថែរក្សាសន្តិសុខ និងសណ្តាប់ធ្នាប់តាមព្រំដែន

លោកវរសេនីយ៍ឯក Nguyen Thanh Dinh មេបញ្ជាការរងនៃបញ្ជាការដ្ឋានយោធាខេត្ត និងជាមេបញ្ជាការកងទ័ពព្រំដែនខេត្ត Lam Dong និងលោកឧត្តមសេនីយ៍ទោ ឡោ សុខា ស្នងការនគរបាលខេត្តមណ្ឌលគិរី អញ្ជើញជាសហប្រធាននៃកិច្ចប្រជុំនេះ។

ភាគីទាំងពីរបានចុះហត្ថលេខាលើកំណត់ហេតុនៃកិច្ចប្រជុំ

ក្នុងកិច្ចប្រជុំនេះ ភាគីទាំងពីរបានឯកភាពវាយតម្លៃលទ្ធផលនៃកិច្ចសហប្រតិបត្តិការនាពេលកន្លងមក។ អាស្រ័យលើនោះ នៅឆ្នាំ២០២៥ កងទ័ពការពារព្រំដែនខេត្ត Lam Dong និងស្នងការដ្ឋាននគរបាលខេត្តមណ្ឌលគិរី នឹងផ្លាស់ប្តូរជាប្រចាំនូវព័ត៌មាន អំពីស្ថានភាពទាក់ទិននឹងអធិបតេយ្យភាពទឹកដី សន្តិសុខព្រំដែន សកម្មភាពរបស់មុខសញ្ញា និងឧក្រិដ្ឋកម្មគ្រប់ប្រភេទ សម្របសម្រួល ទប់ស្កាត់ និងបង្ក្រាបបទល្មើសគ្រប់ប្រភេទប្រកបដោយប្រសិទ្ធភាព។

តំណាងកងទ័ពការពារព្រំដែនខេត្ត Lam Dong ជូនផ្កាដល់គណៈប្រតិភូនៃស្នងការដ្ឋាននគរបាលខេត្តមណ្ឌលគិរី នៅច្រកទ្វារព្រំដែន Bu Prang

គណៈប្រតិភូកងទ័ពការពារព្រំដែនខេត្ត Lam Dong និងស្នងការដ្ឋាននគរបាលខេត្តមណ្ឌលគិរីថតរូបជាអនុស្សាវរីយ៍

ដើម្បីបន្តអនុវត្តភារកិច្ចឱ្យបានល្អក្នុងឆ្នាំ២០២៦ ភាគីទាំងពីរបានឯកភាពសម្របសម្រួល និងផ្លាស់ប្តូរជាប្រចាំ ព្រមទាំងបញ្ជាឲ្យស្ថាប័ន និងអង្គភាពទាំងឡាយ បង្កើតលក្ខខណ្ឌអំណោយផលសម្រាប់ចរាចរ និងពាណិជ្ជកម្មទំនិញតាមច្រកព្រំដែន រួមចំណែកអភិវឌ្ឍសេដ្ឋកិច្ចសង្គមនៅតំបន់ព្រំដែននៃខេត្ត Lam Dong និងខេត្តមណ្ឌលគិរី។

បកប្រែដោយ Thanh Cong