លោកនាយឧត្តមសេនីយ៍ Phan Van Giang ទទួលជួបប្រធានអគ្គសេនាធិការនៃកងកម្លាំងប្រដាប់អាវុធបេឡារុស្ស

នៅក្នុងជំនួបនេះ លោកនាយឧត្តមសេនីយ៍ Phan Van Giang បានសង្កត់ធ្ងន់ថា កិច្ចសហប្រតិបត្តិការលើវិស័យការពារជាតិវៀតណាម-បេឡារុស្សបានអនុវត្តប្រកបដោយប្រសិទ្ធភាព ស្របតាមទំនាក់ទំនងមិត្តភាពជាប្រពៃណី និងកិច្ចសហប្រតិបត្តិការលើគ្រប់វិស័យ​រវាងប្រទេសទាំងពីរ និងសន្ធិសញ្ញា និងកិច្ចព្រមព្រៀងអន្តរជាតិដែលបានចុះហត្ថលេខា សម្រេចបានលទ្ធផលវិជ្ជមានជាច្រើន។

លោកនាយឧត្តមសេនីយ៍ Phan Van Giang និងលោកឧត្តមសេនីយ៍ត្រី Pavel Muraveiko

លោកនាយឧត្តមសេនីយ៍ Phan Van Giang ជួបពិភាក្សាការងារជាមួយលោកឧត្តមសេនីយ៍ត្រី Pavel Muraveiko

លោកនាយឧត្តមសេនីយ៍ Phan Van Giang មានសេចក្តីសោមនស្សរីករាយដែលបានឃើញទំនាក់ទំនងមិត្តភាពជាប្រពៃណី ភាពជាដៃគូយុទ្ធសាស្ត្ររវាងវៀតណាម និងបេឡារុស្សកំពុងអភិវឌ្ឍយ៉ាងល្អលើវិស័យជាច្រើន ក្នុងនោះទំនាក់ទំនងការពារជាតិដើរតួនាទីយ៉ាងសំខាន់។

លោកនាយឧត្តមសេនីយ៍ Phan Van Giang បានអះអាងថា ប្រជាជន និងកងទ័ពប្រជាជនវៀតណាមជានិច្ចកាលវាយតំលៃខ្ពស់ចំពោះការគាំទ្រ និងជំនួយដ៏មានតម្លៃដែលប្រជាជន និងកងទ័ពបេឡារុស្សបានផ្តល់ឲ្យវៀតណាមក្នុងការតស៊ូទាមទារឯករាជ្យជាតិ និងការបង្រួបបង្រួមជាតិ។ ដើម្បីសម្តែងការដឹងគុណចំពោះជំនួយនោះ ក្រសួងការពារប្រទេសវៀតណាមបានសាងសង់វិមានសាមគ្គីភាព និងមិត្តភាពវៀតណាម - សូវៀត (រួមទាំងអ្នកជំនាញយោធាបេឡារុស្ស) នៅក្នុងបរិវេណសារមន្ទីរប្រវត្តិសាស្ត្រយោធាវៀតណាម។

ក្នុងឱកាសនេះ លោកនាយឧត្តមសេនីយ៍ Phan Van Giang បានថ្លែងអំណរគុណយ៉ាងស្មោះស្ម័គ្រចំពោះក្រសួងការពារជាតិបេឡារុស ដែលបានជួយឧបត្ថម្ភ និងបញ្ជូនគណៈប្រតិភូជាន់ខ្ពស់ទៅចូលរួមពិធីរំលឹកខួបលើកទី ៨០ នៃបដិវត្តន៍ខែសីហាប្រកបដោយជោគជ័យ និងទិវាបុណ្យឯករាជ្យជាតិនៃសាធារណរដ្ឋសង្គមនិយមវៀតណាម ថ្ងៃទី ២ ខែកញ្ញា។

ទិដ្ឋភាពនៃជំនួប

លោកនាយឧត្តមសេនីយ៍ Phan Van Giang បានសម្តែងនូវក្តីសង្ឃឹមថា នាពេលខាងមុខ ក្នុងស្មារតីនៃទំនាក់ទំនងមិត្តភាពជាប្រពៃណី និងកិច្ចសហប្រតិបត្តិការលើគ្បរ់វិស័យ​រវាងវៀតណាម និងបេឡារុស្ស ភាគីទាំងពីរនឹងបន្តសម្របសម្រួល និងជំរុញការអនុវត្តប្រកបដោយប្រសិទ្ធភាពនូវខ្លឹមសារដែលបានព្រមព្រៀង ដោយផ្តោតលើវិស័យដូចជា៖ ការផ្លាស់ប្តូរគណៈប្រតិភូ ការអនុវត្តប្រកបដោយប្រសិទ្ធភាពនៃឯកសារសហប្រតិបត្តិការដែលបានចុះហត្ថលេខា រក្សាការផ្លាស់ប្តូរ និងកិច្ចសហប្រតិបត្តិការរវាងអង្គភាពនានានៃកងទ័ពប្រទេសទាំងពីរ ...

លោកនាយឧត្តមសេនីយ៍ Phan Van Giang ប្រគល់វត្ថុអនុស្សាវរីយ៍ជូនលោកឧត្តមសេនីយ៍ត្រី Pavel Muraveiko

លោកឧត្តមសេនីយ៍ត្រី Pavel Muraveiko ថ្លែងអំណរគុណលោករដ្ឋមន្ត្រី Phan Van Giang ដែល​បាន​​ស្វាគមន៍ចំពោះគណៈប្រតិភូយ៉ាងកក់ក្តៅ។ ដោយជឿជាក់ថា កិច្ចសហប្រតិបត្តិការលើវិស័យការពារជាតិរវាងប្រទេសទាំងពីរនៅតែមានឱកាសអភិវឌ្ឍន៍ច្រើននោះ លោកឧត្តមសេនីយ៍ត្រី Pavel Muraveiko បានសម្តែងនូវក្តីសង្ឃឹមថា លោករដ្ឋមន្ត្រី Phan Van Giang នឹងយកចិត្តទុកដាក់ និងគាំទ្រ ដើម្បីឲ្យកិច្ចសហប្រតិបត្តិការលើវិស័យការពារជាតិរវាងប្រទេសទាំងពីរមានការរីកចម្រើនថែមទៀត។

លោកនាយឧត្តមសេនីយ៍ Phan Van Giang និងលោកឧត្តមសេនីយ៍ត្រី Pavel Muraveiko ថតរូបជាមួយប្រតិភូនៃប្រទេសទាំងពីរ

អំពីទិសដៅនៃកិច្ចសហប្រតិបត្តិការនាពេលខាងមុខ លោកឧត្តមសេនីយ៍ត្រី Pavel Muraveiko បានឯកភាពតាមមតិរបស់លោកនាយឧត្តមសេនីយ៍ Phan Van Giang ហើយបានបញ្ជាក់ថា បេឡារុស្សនឹងជំរុញកិច្ចសហប្រតិបត្តិការបណ្តុះបណ្តាលដោយផ្អែកលើតម្រូវការរបស់ភាគីទាំងពីរ។ ទន្ទឹមនឹងនោះ បានត្រៀមខ្លួនរួចជាស្រេចក្នុងការជំរុញកិច្ចសហប្រតិបត្តិការលើវិស័យសក្តានុពលផ្សេងទៀត ដូចជាវិទ្យាសាស្ត្រយោធា វេជ្ជសាស្ត្រយោធា...

បកប្រែដោយ Duy Hoan