គោរពវិញ្ញាណក្ខន្ធវីរយុទ្ធជនពលីនៅស្រុក Duc Co និងខេត្តចំនួន៣ នៅភាគឦសាននៃប្រទេសកម្ពុជា
កប.អនឡាញ - នាថ្ងៃទី ២៣ ខែមេសា ក្រុមបេសកកម្មដឹកនាំដោយលោកស្រី Nguyen Thi Thanh Lich អនុប្រធានគណៈកម្មាធិការប្រជាជនខេត្ត ប្រធានគណៈកម្មការជំនាញខេត្ត Gia Lai បានទៅអុជធូបគោរពវិញ្ញាណក្ខន្ធវីរយុទ្ធជនពលីនៅស្រុក Duc Co ខេត្ត Gia Lai ប្រទេសវៀតណាម និងខេត្តចំនួន ៣ នៅភាគឦសាននៃព្រះរាជាណាចក្រកម្ពុជា។
នៅវិមានរំលឹកវិញ្ញាណក្ខន្ធយុទ្ធជនពលីនៅប៉ុស្តិ៍ការពារព្រំដែនអន្តរជាតិ Le Thanh (ស្រុក Duc Co) លោកស្រី Nguyen Thi Thanh Lich និងសមាជិកនៃក្រុមបេសកកម្មបានសម្តែងនូវការដឹងគុណយ៉ាងជ្រាលជ្រៅចំពោះការរួមវិភាគទានដ៏ធំធេងរបស់យុទ្ធជនដែលពលីជីវិតក្នុងបុព្វហេតុការពារអធិបតេយ្យភាពព្រំដែនជាតិ។
    |
 |
|
លោកស្រី Nguyen Thi Thanh Lich ទៅសាកសួរសុខទុក្ខ និងជូនអំណោយដល់កងកម្លាំងដែលកំពុងបំពេញភារកិច្ចនៅច្រកទ្វារព្រំដែនអន្តរជាតិ អូរយ៉ាដាវ (រូបថត៖ baogialai.com.vn) |
បន្ទាប់មក ក្រុមបេសកកម្មបានអុជធូបរំលឹកវិញ្ញាណក្ខន្ធកងទ័ពស្ម័គ្រចិត្ត និងអ្នកជំនាញវៀតណាមចំនួន ២២ នាក់ដែលពលីជីវិតក្នុងសម័យសង្គ្រាមនៅកម្ពុជា ដែលទើបត្រូវបានក្រុមការងារ K៥២ (បញ្ជាការដ្ឋានយោធាខេត្ត) ស្វែងរក ប្រមូលក្នុងរដូវប្រាំងឆ្នាំ២០២៤-២០២៥ នៅខេត្តរតនគិរី ខេត្តស្ទឹងត្រែង និងខេត្តព្រះវិហារ។
សូមរំលឹកថា លោកស្រី Nguyen Thi Thanh Lich បានទៅសាកសួរសុខទុក្ខ និងជូនអំណោយដល់កងកម្លាំងដែលកំពុងបំពេញភារកិច្ចនៅច្រកទ្វារព្រំដែនអន្តរជាតិ អូរយ៉ាដាវ (ព្រះរាជាណាចក្រកម្ពុជា)៕
បកប្រែដោយ Thuy Anh