គណៈប្រតិភូខេត្តទាំង ៦ នៃព្រះរាជាណាចក្រកម្ពុជា មកជូនពរឆ្នាំថ្មីនៅខេត្ត Binh Phuoc

តាងនាមគណៈប្រតិភូខេត្តទាំង ៦ លោក វ៉ា ថន អភិបាលខេត្តក្រចេះ បានជូនពរគណៈកម្មាធិការបក្ស អាជ្ញាធរ និងប្រជាជនខេត្ត Binh Phuoc ក្នុងឱកាសបុណ្យចូលឆ្នាំថ្មីប្រពៃណីជាតិ។ ជាមួយនឹងលទ្ធផលជាច្រើនដែលសម្រេចបានក្នុងកិច្ចការបរទេស និងការអភិវឌ្ឍសេដ្ឋកិច្ចតាមព្រំដែន លោក វ៉ា ថន សង្ឃឹមថា ខេត្ត Binh Phuoc នឹងបន្តជំរុញសកម្មភាពសុខុមាលភាពសង្គម និងបង្កើនកិច្ចសហប្រតិបត្តិការលើគ្រប់វិស័យ ដើម្បីពង្រីកសក្តានុពល និងគុណសម្បត្តិនៃការអភិវឌ្ឍតំបន់នៅសងខាងព្រំដែន។

ថ្នាក់ដឹកនាំខេត្តទាំង៦ នៃព្រះរាជាណាចក្រកម្ពុជា ជូនអំណោយអបអរសាទរឆ្នាំថ្មីដល់ថ្នាក់ដឹកនាំខេត្ត Binh Phuoc (រូបថត៖ baobinhphuoc.com.vn)

លោកស្រី Tran Tue Hien អនុលេខាគណៈកម្មាធិការបក្សខេត្ត ប្រធានគណៈកម្មាធិការប្រជាជនខេត្ត បានផ្តល់ព័ត៌មានអំពីស្ថានភាពសេដ្ឋកិច្ចសង្គមរបស់ខេត្តជូនដល់គណៈប្រតិភូទាំងនេះ ហើយសង្ឃឹមថា ខេត្តជាប់ព្រំដែនទាំង៦នៃកម្ពុជា នឹងបន្តជួយឧបត្ថម្ភខេត្ត Binh Phuoc ស្វែងរក និងប្រមូលអដ្ឋិធាតុកងទ័ពស្ម័គ្រចិត្ត និងអ្នកជំនាញវៀតណាមដែលពលីជីវិតក្នុងសម័យសង្រ្គាមនៅកម្ពុជា។ បង្កើនការផ្លាស់ប្តូរវប្បធម៌ និងការទូតប្រជាជន ដើម្បីពូនជ្រំទំនាក់ទំនងសន្តិភាព និងមិត្តភាព ដើម្បីការអភិវឌ្ឍ វិបុលភាពរបស់ប្រជាជននៃបណ្ដាខេត្តជាប់ព្រំដែននិយាយដោយឡែក វៀតណាមនិងកម្ពុជានិយាយរួម។

ក្នុងឱកាសនេះ គណៈប្រតិភូខេត្តទាំង ៦ បានជូនអំណោយឆ្នាំថ្មីដល់ថ្នាក់ដឹកនាំខេត្ត Binh Phuoc។ ថ្នាក់ដឹកនាំខេត្ត Binh Phuoc ក៏បានជូនអំណោយឆ្នាំថ្មីដល់គណៈប្រតិភូទាំងនេះផងដែរ៕

បកប្រែដោយ Thuy Anh