វេជ្ជបណ្ឌិតនៃមន្ទីរពេទ្យប្រជាយោធាភាគបូព៌ា ចូលជួបសម្តែងការគួរសមថ្នាក់ដឹកនាំបញ្ជាការដ្ឋានយោធភូមិភាគទី ៤ នៃកងយោធពលខេមរភូមិន្ទ

ក្នុងជំនួបនេះ លោកវរសេនីយ៍ទោ Phan Huu Hung បានសង្កត់ធ្ងន់ថា វៀតណាមនិងកម្ពុជា គឺជាប្រទេសជិតខាងទាំងពីរដែលមានទំនាក់ទំនងសាមគ្គីភាពយូរអង្វែង និងជួយគ្នាក្នុងការតស៊ូដើម្បីឯករាជ្យកាលពីមុន ក៏ដូចជាក្នុងបុព្វហេតុកសាងនិងការពារប្រទេសជាតិនាពេលបច្ចុប្បន្ន។ លោកវរសេនីយ៍ទោ Phan Huu Hung សង្ឃឹមថា អង្គភាពនឹងបង្កើតលក្ខខណ្ឌល្អបំផុតសម្រាប់មន្ទីរពេទ្យពិនិត្យសុខភាព និងផ្តល់អំណោយដល់ប្រជាពលរដ្ឋក្រីក្រដែលជួបការលំបាកនៅខេត្តសៀមរាប។

លោកវរសេនីយ៍ទោ Phan Huu Hung នាយកមន្ទីរពេទ្យប្រគល់អំណោយជូនតំណាងបញ្ជាការដ្ឋានយោធភូមិភាគទី៤ នៃកងយោធពលខេមរភូមិន្ទ

លោកឧត្តមសេនីយ៍ទោ សុខ រិនណា មេបញ្ជាការរងយោធភូមិភាគទី៤ បានសម្តែងនូវសេចក្តីសោមនស្សរីករាយដោយបានទទួលស្វាគមន៍គណៈប្រតិភូ។ ជាមួយគ្នានោះ លោកក៏បានថ្លែងអំណរគុណយ៉ាងជ្រាលជ្រៅចំពោះបញ្ជាការដ្ឋានយោធភូមិភាគទី៧ និយាយរួម និងក្រុមការងារនិយាយដោយឡែកដែលបានតែងតែយកចិត្តទុកដាក់ និងជួយគាំទ្រកងទ័ព និងប្រជាជនកម្ពុជា។

លោកឧត្តមសេនីយ៍ទោ សុខ រិនណា ក៏បានបញ្ជាក់ដែរថា ក្នុងរយៈពេលប៉ុន្មានឆ្នាំកន្លងមក បញ្ជាការដ្ឋានយោធភូមិភាគទី៧ បានជួយគាំទ្រទីភ្នាក់ងារ និងអង្គភាពនានានៃកងយោធពលខេមរភូមិន្ទ ក៏ដូចជាជួយប្រជាជនកម្ពុជាលើគ្រប់វិស័យ។ ជាពិសេស ជារៀងរាល់ឆ្នាំ មន្ទីរពេទ្យតែងតែរៀបចំកម្មវិធីពិនិត្យសុខភាព និងផ្តល់ថ្នាំពេទ្យដោយឥតគិតថ្លៃដល់ប្រជាពលរដ្ឋកម្ពុជា។ តាមរយៈនោះ លើកកម្ពស់សុខភាពប្រជាជនកម្ពុជា  បន្តធ្វើការនិងផលិតកម្ម និងរក្សាលំនឹងជីវភាពប្រជាពលរដ្ឋ។

ប្រតិភូទាំងឡាយថតរូបទុកជាអនុស្សាវរីយ៍

ក្នុងឱកាសនេះ លោកឧត្តមសេនីយ៍ទោ សុខ រិនណា បានជូនពរកម្មាភិបាល វេជ្ជបណ្ឌិត និងបុគ្គលិកនៃមន្ទីរពេទ្យ  មានសុខភាពល្អ និងសម្រេចបានជោគជ័យក្នុងការពិនិត្យសុខភាព ផ្តល់ថ្នាំពេទ្យ និងផ្ដល់អំណោយជូនប្រជាពលរដ្ឋកម្ពុជា៕

បកប្រែដោយ Pham Diep