អនុមហាវិទ្យាល័យការពារព្រំដែនជូនពរឆ្នាំថ្មីដល់សិក្ខាកាមកម្ពុជា
កប.អនឡាញ - នារសៀលថ្ងៃទី១២ ខែមេសា គណៈកម្មាធិការបក្ស និងគណនាយកអនុមហាវិទ្យាល័យការពារព្រំដែន (បញ្ជាការដ្ឋានកងទ័ពការពារព្រំដែនវៀតណាម) បានអញ្ជើញទៅសួរសុខទុក្ខ ប្រគល់អំណោយ និងជូនពរឆ្នាំថ្មីដល់សិក្ខាកាមកម្ពុជាដែលកំពុងសិក្សានៅសាលាក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ។
អនុមហាវិទ្យាល័យការពារព្រំដែន - ទីតាំងទី ២ កំពុងគ្រប់គ្រងនិងបណ្តុះបណ្តាលភាសាវៀតណាមឲ្យសិក្ខាកាមកម្ពុជា។ ក្នុងរយៈពេលសិក្សានៅសាលា សិក្ខាកាមកម្ពុជាបានខិតខំប្រឹងប្រែងយ៉ាងខ្លាំងដើម្បីទទួលបានលទ្ធផលខ្ពស់ក្នុងការសិក្សានៅសាលា។
លោកវរសេនីយ៍ឯក Nguyen Xuan Toan នាយករងសាលា ទទួលបន្ទុកទីតាំងទី ២ បានជូនពរដល់សិក្ខាកាមកម្ពុជា និងញាតិមិត្តទាំងអស់ជួបតែសេចក្ដីសុខ សុខភាពល្អ បរិបូណ៍ និងជោគជ័យក្នុងជីវិតក្នុងឱកាសចូលឆ្នាំថ្មីប្រពៃណីជាតិ។
|
|
ថ្នាក់ដឹកនាំអនុមហាវិទ្យាល័យការពារព្រំដែនប្រគល់អំណោយដល់សិក្ខាកាមកម្ពុជា ក្នុងឱកាសចូលឆ្នាំថ្មីប្រពៃណីជាតិ |
លោកវរសេនីយ៍ឯក Nguyen Xuan Toan បានកោតសរសើរ និងមានបំណងថា សិក្ខាកាមទាំងអស់នឹងលើកម្ពស់ស្មារតីទទួលខុសត្រូវ និងគោរពវិន័យយ៉ាងម៉ឺងម៉ាត់ និងបទប្បញ្ញត្តិរបស់សាលានិងអង្គភាព ខិតខំក្លាយនាយទាហានឆ្នើម និងរួមចំណែកកសាងប្រទេសកម្ពុជាឱ្យកាន់តែរីកចម្រើន។ លើសពីនេះ បន្តលើកតម្កើងតួនាទីស្នូលរបស់ខ្លួនដើម្បីពូនជ្រំទំនាក់ទំនងសាមគ្គីភាព និងមិត្តភាពរវាងកងទ័ព និងប្រជាជននៃប្រទេសទាំងពីរវៀតណាម និងកម្ពុជា។
តំណាងសិក្ខាកាមកម្ពុជាបានថ្លែងអំណរគុណចំពោះការយកចិត្តទុកដាក់ពីគណៈកម្មាធិការបក្ស និងគណៈនាយកអនុមហាវិទ្យាល័យការពារព្រំដែន ដែលបានមកសួរសុខទុក្ខ ជូនពរឆ្នាំថ្មី និងប្រគល់អំណោយលើកទឹកចិត្ត។ ព្រមទាំងសំដែងនូវការខិតខំប្រឹងប្រែងសិក្សារៀនសូត្រ លត់ដំ រួមចំណែករក្សានិងពង្រឹងទំនាក់ទំនងសាមគ្គីភាពរវាងប្រទេសទាំងពីរនិយាយរួម កងទ័ពនិងកម្លាំងការពារព្រំដែនប្រទេសទាំងពីរនិយាយដោយឡែក៕
បកប្រែដោយ Pham Diep