អគ្គលេខាបក្ស Nguyen Phu Trong ផ្ញើសារលិខិតអបអរសាទរជូនចំពោះសម្តេចតេជោ ហ៊ុន សែន ប្រធានគណបក្សប្រជាជនកម្ពុជា
កប.អនឡាញ - ក្នុងឱកាសដែលកម្ពុជារៀបចំការបោះឆ្នោតជ្រើសតាំងសមាជិកព្រឹទ្ធសភានីតិកាលទី៥ ប្រកបដោយជោគជ័យ នៅថ្ងៃទី២៥ ខែកុម្ភៈ លោក Nguyen Phu Trong អគ្គលេខាបក្សកុម្មុយនិស្ដវៀតណាម បានផ្ញើសារលិខិតអបអរសាទរជូនចំពោះសម្តេចតេជោ ហ៊ុន សែន ប្រធានគណបក្សប្រជាជនកម្ពុជា។ ខ្លឹមសារនៃសារលិខិតអបអរសាទរបានសរសេរថា៖
“ជាមួយមនោសញ្ចេតនាជាសមមិត្ត និងអ្នកជិតខាងដ៏ជិតស្និទ្ធ ក្នុងនាមគណៈកម្មាធិការមជ្ឈិមបក្សកុម្មុយនិស្តវៀតណាម ខ្ញុំសូមអបអរសាទរយ៉ាងកក់ក្ដៅជូនចំពោះសម្ដេចតេជោ ហ៊ុន សែន ប្រធានគណបក្សប្រជាជនកម្ពុជា ថ្នាក់ដឹកនាំនិងមន្ត្រី សមាជិក សមាជិកានៃគណបក្សប្រជាជនកម្ពុជាដែលទទួលបានជោគជ័យក្នុងការបោះឆ្នោតជ្រើសតាំងសមាជិកព្រឹទ្ធសភា នីតិកាលទី៥; ជាពិសេសគឺគណបក្សប្រជាជនកម្ពុជាទទួលបានជ័យជម្នះយ៉ាងធំធេងក្នុងការបោះឆ្នោតលើកនេះ។ លទ្ធផលនៃការបោះឆ្នោតបានបញ្ជាក់សារជាថ្មីម្ដងទៀតពីតួនាទី និងឋានៈរបស់គណបក្សប្រជាជនកម្ពុជាក្រោមការដឹកនាំរបស់សម្តេចតេជោ ហ៊ុន សែន។
    |
 |
|
លោក Nguyen Phu Trong អគ្គលេខាបក្សកុម្មុយនិស្ដវៀតណាម (រូបថត៖ vnanet.vn) |
លោក Nguyen Phu Trong អគ្គលេខាបក្សកុម្មុយនិស្ដវៀតណាម ជឿជាក់យ៉ាងមុតមាំថា ជាមួយនឹងសមិទ្ធិផលដែលសម្រេចបាន រួមជាមួយនឹងបទពិសោធន៍និងការគាំទ្ររបស់ប្រជាជនកម្ពុជា គណបក្សប្រជាជនកម្ពុជាដែលដឹកនាំដោយសម្ដេចតេជោ ហ៊ុន សែន នឹងបន្តសម្រេចបាននូវសមិទ្ធិផលថ្មីៗជាច្រើនទៀត និងកាន់តែធំធេងថែមទៀតក្នុងការងារការពារ កសាង និងអភិវឌ្ឍន៍ប្រទេសកម្ពុជា។
វៀតណាមនឹងបន្តខិតខំអស់ពីសមត្ថភាព រួមជាមួយនឹងកម្ពុជា ថែរក្សានិងពូនជ្រំទំនាក់ទំនងល្អប្រសើររវាងវៀតណាម និងកម្ពុជា ឱ្យកាន់តែរីកចម្រើន ស៊ីជម្រៅ ជាក់ស្តែង និងប្រកបដោយប្រសិទ្ធភាពលើគ្រប់វិស័យ នាំមកនូវផលប្រយោជន៍សម្រាប់ប្រជាជននៃប្រទេសទាំងពីរ និងរួមចំណែកដល់សន្តិភាព ស្ថិរភាព កិច្ចសហប្រតិបត្តិការ និងការអភិវឌ្ឍក្នុងតំបន់ និងពិភពលោក៕
បកប្រែដោយ Pham Diep