ពេទ្យយោធាវៀតណាម-កម្ពុជា ពិនិត្យសុខភាព និងផ្តល់ថ្នាំពេទ្យដោយឥតគិតថ្លៃនៅស្រុក Duc Co

ទោះបីជាទទួលបានការយកចិត្តទុកដាក់ជាច្រើនពីស្ថាប័នគ្រប់លំដាប់ថ្នាក់ក្នុងប្រទេសនីមួយៗក៏ដោយក៏ជីវភាពរស់នៅរបស់ប្រជាជននៃបណ្ដាជនជាតិក្នុងឃុំជាប់ព្រំដែនទាំងពីរគឺប៉ក់ញ៉ៃ និង Ia Dom ជាទូទៅនៅតែមានការលំបាកជាច្រើន។

ប្រជាពលរដ្ឋជាច្រើនមកដល់ទីស្នាក់ការគណៈកម្មាធិការប្រជាជនឃុំ Ia Dom ដើម្បីចុះឈ្មោះពិនិត្យសុខភាពដោយឥតគិតថ្លៃ

លោកវរសេនីយ៍ឯក Le Van Dong អនុប្រធាននាយកដ្ឋានពេទ្យយោធា (អគ្គនាយកដ្ឋានភស្តុភារ កងទ័ពប្រជាជន​វៀត​ណាម) បានឲ្យដឹងថា ការចុះពិនិត្យសុខភាព និងផ្ដល់ថ្នាំពេទ្យដោយឥតគិតថ្លៃជូនប្រជាពលរដ្ឋនៅតំបន់ជាប់ព្រំដែនវៀតណាម-កម្ពុជា លើកនេះ គឺស្ថិតក្នុងក្របខ័ណ្ឌនៃជំនួបប្រាស្រ័យមិត្តភាពការពារជាតិព្រំដែនវៀតណាម-ឡាវ-កម្ពុជា លើកទីមួយ ដែលគ្រោងនឹងធ្វើឡើងនៅខែធ្នូនេះ ដើម្បីជួយប្រជាជននៅទីនេះទទួលបានសេវាថែទាំសុខភាពប្រកបដោយគុណភាព។

យោងតាមលោក Siu Luynh អនុប្រធានគណៈកម្មាធិការប្រជាជនស្រុក Duc Co បានឲ្យដឹងថា កម្មវិធីពិនិត្យសុខភាព និងផ្ដល់ថ្នាំដោយឥតគិតថ្លៃនេះគឺជាសកម្មភាពសំខាន់ណាស់។ លោក Siu Luynh បានថ្លែងអំណរគុណចំពោះក្រុមគ្រូពេទ្យ យោធាវៀតណាម-កម្ពុជា ដែលបានពិនិត្យសុខភាព និងផ្តល់ថ្នាំពេទ្យដោយឥតគិតថ្លៃដល់ប្រជាជននៅតំបន់ព្រំដែន រួមទាំងប្រជាជននៅស្រុក Duc Co ផងដែរ។

កាសែតកងទ័ពប្រជាជនអនឡាញ សូមបង្ហាញរូបភាពមួយចំនួននៃសកម្មភាពពិនិត្យសុខភាព និងផ្ដល់ថ្នាំពេទ្យដោយឥតគិតថ្លៃ នាថ្ងៃទី៤ ខែធ្នូ នៅឃុំ Ia Dom ស្រុក Duc Co ខេត្ត Gia Lai៕

ប្រជាជនទទួលបានការពិនិត្យសុខភាពដោយឥតគិតថ្លៃ

ប្រជាជនត្រូវបានណែនាំអំពីការប្រើថ្នាំពេទ្យ

បកប្រែដោយ Thuy Anh