ផ្ដល់ឧបករណ៍ភស្តុភារដល់កងយោធពលខេមរភូមិន្ទ
កប.អនឡាញ - នាព្រឹកថ្ងៃទី ២៨ ខែវិច្ឆិកា នៅច្រកទ្វារព្រំដែនអន្តរជាតិ Moc Bai ខេត្ត Tay Ninh ដោយមានការយល់ព្រមពីក្រសួងការពារប្រទេសវៀតណាម តំបន់លេខ ៥ នៃកងទ័ពជើងទឹក បានរៀបចំពិធីប្រគល់ឧបករណ៍ភស្តុភារដល់បញ្ជាការដ្ឋានការពារកោះឆ្នេរ កងទ័ពជើងទឹកកម្ពុជា។
ឧបករណ៍ភស្តុភាដែលកងទ័ពជើងទឹកប្រជាជនវៀតណាម ប្រគល់ជូនបញ្ជាការដ្ឋានការពារកោះឆ្នេរកងទ័ពជើងទឹកកម្ពុជាមានតម្លៃសរុបជិត ៣ ពាន់លានដុង។
ថ្លែងមតិក្នុងពិធីប្រគល់នេះ លោកឧត្តមនាវីត្រី Nguyen Duy Ty មេបញ្ជាការបញ្ជាការដ្ឋានតំបន់លេខ ៥ កងទ័ពជើងទឹកវៀតណាម បានរំលឹកឡើងវិញអំពីទំនាក់ទំនងជាប្រពៃណីដ៏ល្អរវាងប្រជាជន កងទ័ព និងកងទ័ពជើងទឹកនៃប្រទេសទាំងពីរវៀតណាម-កម្ពុជា ព្រមទាំងសម្តែងនូវក្តីសង្ឃឹមថា ឧបករណ៍ភស្តុភារទាំងនេះនឹងរួមចំណែកជួយដល់បញ្ជាការដ្ឋានការពារកោះឆ្នេរ កងទ័ពជើងទឹកកម្ពុជា លើកកម្ពស់គុណភាពនិងប្រសិទ្ធភាពនៃកិច្ចការភស្តុភារ បំពេញតាមតម្រូវការនៃភារកិច្ចដែលត្រូវបានប្រគល់ឲ្យ។
    |
 |
|
លោកឧត្តមនាវីត្រី Nguyen Duy Ty ប្រគល់ជូនឧបករណ៍ភស្តុភារជានិមិត្តរូបដល់កងទ័ពជើងទឹកកម្ពុជា (រូបថត៖ baohaiquanvietnam.vn) |
លោកឧត្តមនាវីឯក ស្រ៊ុន សារឿន មេបញ្ជាការរងកងទ័ពជើងទឹក មេបញ្ជាការ បញ្ជាការដ្ឋានការពារកោះឆ្នេរ នៃកងយោធពលខេមរភូមិន្ទ បានថ្លែងអំណរគុណយ៉ាងជ្រាលជ្រៅរចំពោះមនោសញ្ចេតនា ការយកចិត្តទុកដាក់ ការគាំទ្រ និងជំនួយរបស់កងទ័ពជើងទឹកប្រជាជនវៀតណាម ហើយអះអាងថា ព្រឹត្តិការណ៍នេះបង្ហាញដ៏រស់រវើកនូវចំណងមិត្តភាព និងសាមគ្គីភាពរវាងកងទ័ព និងកងទ័ពជើងទឹកនៃប្រទេសទាំងពីរ ចូលរួមចំណែកជម្រុញឲ្យកាន់តែស៊ីជម្រៅថែមទៀតនូវទំនាក់ទំនងជាអ្នកជិតខាងល្អ មិត្តភាពជាប្រពៃណី កិច្ចសហប្រតិបត្តិការលើគ្រប់ជ្រុងជ្រោយ និងស្ថិរភាពយូរអង្វែងរវាងវៀតណាម និងកម្ពុជា៕
បកប្រែដោយ Thuy Anh