វៀតណាម-កម្ពុជា កសាងព្រំដែនសន្តិភាព មិត្តភាព និងកិច្ចសហប្រតិបត្តិការ ដើម្បីអភិវឌ្ឍន៍

លោក ហ៊ី បាវី អនុប្រធាន ក្រុមប្រឹក្សាជាតិរណសិរ្សសាមគ្គីអភិវឌ្ឍន៍មាតុភូមិកម្ពុជា

ក្នុងជំនួបនេះ លេខាគណៈកម្មាធិការបក្សខេត្ត Kien Giang លោក Do Thanh Binh បានសង្កត់ធ្ងន់ថា៖ ដោយមានប្រពៃណីសាមគ្គីភាព និងការជួយឧបត្ថម្ភគ្នាទៅវិញទៅមករវាងប្រជាជននៃប្រទេសទាំងពីរវៀតណាមនិងកម្ពុជា កិច្ចសហប្រតិបត្តិការមិត្តភាពរវាងខេត្ត Kien Giang ជាមួយខេត្តនានានៃព្រះរាជាណាចក្រកម្ពុជាកាន់តែរីកចម្រើនយ៉ាងល្អប្រសើរ។ ទាក់ទងនឹងការងារខ័ណ្ឌសីមា បោះបង្គោលព្រំដែននៅតាមខ្សែព្រំដែនគោករវាងវៀតណាម និងកម្ពុជានៅលើភូមិសាស្ត្រខេត្ត Kien Giang រហូតមកដល់បច្ចុប្បន្ននេះ បានកសាងរួចរាល់បង្គោលព្រំដែន ២៣/២៨; បង្គោលព្រំដែនបំពេញបន្ថែម ៨០/៨០; បង្គោលតម្រុយព្រំដែន៤/៤; ខ័ណ្ឌសីមាខ្សែព្រំដែនប្រវែងជាង ៤២ គីឡូម៉ែត្រ។

បន្ទាប់នោះ ក្នុងដំណើរទស្សនកិច្ចទៅកាន់ទីក្រុង Phu Quoc លោក ហ៊ី បាវី បានថ្លែងអំណរគុណចំពោះខេត្ត Kien Giang ដែលបានបង្កលក្ខខណ្ឌជួយឧបត្ថម្ភប្រជានេសាទកម្ពុជានៅពេលជួបប្រទះនឹងគ្រោះធម្មជាតិនៅលើសមុទ្រក្នុងរយៈពេលកន្លង​មក​។ លោក ហ៊ី បាវី​ បានមានប្រសាសន៍ថា៖ “នាថ្ងៃទី ២០ ខែកញ្ញា នៅខេត្ត An Giang រណសិរ្សមជ្ឈិមនៃប្រទេសទាំងពីរ បានបើកសន្និសីទអន្តរជាតិដើម្បីកសាងព្រំដែនសន្តិភាព មិត្តភាព កិច្ចសហប្រតិបត្តិការ និងការអភិវឌ្ឍន៍រវាងប្រទេសទាំងពីរ។ ក្នុងឱកាសនេះ ខ្ញុំសូមថ្លែងអំណរគុណចំពោះតំណាងខេត្តទាំង ១០ របស់កម្ពុជា និងតំណាងខេត្តទាំង ១០ របស់វៀតណាម ដែលមានព្រំប្រទល់ជាប់គ្នា ដែលបានចុះហត្ថលេខាលើកិច្ចព្រមព្រៀងក្នុងសន្និសីទដើម្បីអនុវត្តលទ្ធផលនៃសេចក្តីថ្លែងការណ៍រួមនៃសន្និសីទអន្តរជាតិ រួមចំណែករក្សាស្ថិរភាព និងការអភិវឌ្ឍន៍នៅតំបន់ព្រំដែននៃប្រទេសទាំងពីរ៕

បកប្រែដោយ Duy Hoan