កងកម្លាំងប្រដាប់អាវុធនៃខេត្ត Long An ពង្រីកប្រសិទ្ធភាពនៃក្លឹបភាសាអង់គ្លេស និងភាសាខ្មែរ
កប.អនឡាញ - នៅពេលថ្មីៗនេះ ខេត្ត Long An ភាគខាងត្បូងវៀតណាម បានរៀបចំកិច្ចប្រជុំបូកសរុបលទ្ធផលការងារក្នុងរយៈពេល ១ ឆ្នាំរបស់ក្លឹបភាសាអង់គ្លេស និងភាសាខ្មែរនៅក្នុងកងកម្លាំងប្រដាប់អាវុធខេត្ត។
ក្នុងរយៈពេលកន្លងមក បញ្ជាការដ្ឋានយោធាខេត្តបានសម្របសម្រួលជាមួយស្ថាប័ន និងអង្គភាពពាក់ព័ន្ធដើម្បីបើកថ្នាក់ភាសាអង់គ្លេសចំនួន ៤ និងថ្នាក់ភាសាខ្មែរចំនួន ៧ ថ្នាក់ ដែលមាននាយទាហាន និងនាយទាហានរងជិត ៤០០ នាក់ចូលរួមសិក្សា។ ជាមួយគ្នានេះបានលើកកម្ពស់តួនាទីសកម្ម និងប្រសិទ្ធភាពរបស់ក្លឹបភាសាអង់គ្លេស និងភាសាខ្មែរ។
|
|
បញ្ជាការដ្ឋានយោធាខេត្ត Long An ប្រគល់ប័ណ្ណសរសើររជូនអង្គភាពនិងបុគ្គល (រូបថត៖ baoquankhu7.vn) |
បន្ទាប់ពីប្រតិបត្តិការក្នុងរយៈពេលមួយឆ្នាំ នៅក្នុងកងកម្លាំងប្រដាប់អាវុធខេត្តមានក្លឹបភាសាខ្មែរចំនួន ៧ និងក្លឹបភាសារអង់គ្លេសមួយដែលមានការចូលរួមពីនាយទាហាន និងនាយទាហានរងជាង ២០០ នាក់។ កងកម្លាំងប្រដាប់អាវុធខេត្តខិតខំដល់ឆ្នាំ២០២៥ ឱ្យមាន១០០% នៃកម្មាភិបាលអាយុក្រោម ៤០ ឆ្នាំ នៅតាមស្ថាប័ន និងអង្គភាពនានាសម្រេចបានភាសាអង់គ្លេសកំរិត B ឬខ្ពស់ជាងនេះ ហើយ ៦០% នៃកម្មាភិបាលនៃអង្គភាពនៅតាមតំបន់ព្រំដែនអាចប្រាស្រ័យទាក់ទងជាភាសាខ្មែរបាន។
ក្នុងឱកាសនេះ បញ្ជាការដ្ឋានយោធាខេត្តបានប្រគល់ប័ណ្ណសរសើរជូនអង្គភាពចំនួន ៥ និងបុគ្គល ១០ នាក់ ដែលទទួលបានស្នាដៃល្អក្នុងការរៀបចំសកម្មភាពក្លឹបភាសារអង់គ្លេស និងភាសារខ្មែរ៕
បកប្រែដោយ Duy Hoan