ពិធីអុជធូបនៅស្ដូបមិត្តភាពកម្ពុជា-វៀតណាម
កប.អនឡាញ - ក្នុងឱកាសរំលឹកខួបលើកទី៧៤ នៃទិវាយុទ្ធជនពិការ យុទ្ធជនពលី (២៧ កក្កដា ឆ្នាំ១៩៤៧ - ២៧ កក្កដា ឆ្នាំ២០២១) នាព្រឹកថ្ងៃទី២៧ កក្កដា ស្ថានអគ្គកុងស៊ុលវៀតណាមប្រចាំខេត្តព្រះសីហនុ បានទៅអុជធូបនៅស្ដូបមិត្តភាពកម្ពុជា-វៀតណាម។
នេះជាសកម្មភាពតបស្នងសងគុណ រំលឹកខួបយុទ្ធជនដែលបានលះបង់ជីវិតយ៉ាងក្លាហានអង់អាចដើម្បីមិត្តភាពរវាងប្រទេសទាំងពីរ វៀតណាម - កម្ពុជា។ អញ្ជើញចូលរួមពិធីមានវត្តមានតំណាងសមាគមខ្មែរ-វៀតណាម សមាគមអតីតយុទ្ធជនវៀតណាម និងក្រុមហ៊ុន Metfone (Viettel កម្ពុជា) នៅខេត្តព្រះសីហនុ។
    |
 |
|
តំណាងស្ថានអគ្គកុងស៊ុលវៀតណាមប្រចាំខេត្តព្រះសីហនុ អុជធូបនៅស្ដូបមិត្តភាពកម្ពុជា-វៀតណាម (រូបថត៖ dangcongsan.vn) |
ក្នុងបរិបទនៃជំងឺ Covid-19 សកម្មភាពតបស្នងសងគុណចំពោះវីរជន និងយុទ្ធជនពលីត្រូវបានរៀបចំស្របតាមការកំណត់ប្រយុទ្ធប្រឆាំងនឹងជំងឺរាតត្បាត។ តំណាងទាំងឡាយបានចាក់វ៉ាក់សាំងការពារជំងឺ Covid-19 ចំនួនពីរដូសរួចហើយ។
ក្នុងឱកាសនេះ លោក Vu Ngoc Ly អគ្គកុងស៊ុលវៀតណាមប្រចាំខេត្តព្រះសីហនុ បានជូនអំណោយដល់តំណាងជាអតីតយុទ្ធជនវៀតណាម ដែលធ្លាប់បំពេញភារកិច្ចជួយប្រជាជនកម្ពុជារួចផុតពីរបបប្រល័យពូជសាសន៍៕
បកប្រែដោយ Thuy Anh