ពិធីប្រគល់គ្រឿងអនុស្សាវរីយ៍ជូនឯកអគ្គរាជទូតកម្ពុជាប្រចាំនៅវៀតណាម

ប្រធាន VUFO លោកស្រី Nguyen Phuong Nga ប្រគល់គ្រឿងអនុស្សាវរីយ៍ “ដើម្បីសន្តិភាព មិត្តភាពរវាងបណ្តាប្រជាជាតិ” ជូនលោកឯកអគ្គរាជទូត ប្រាក់ ងួនហុង (រូបថត៖ thoidai.com.vn)

មានប្រសាសន៍នៅពិធីប្រគល់គ្រឿងអនុស្សាវរីយ៍ ប្រធាន VUFO លោកស្រី Nguyen Phuong Nga បានអះអាងថា ក្នុងរយៈពេល ៣ ឆ្នាំកន្លងមក លោកឯកអគ្គរាជទូត ប្រាក់ ងួនហុង បានរួមវិភាគទានជាវិជ្ជមានក្នុងការជំរុញទំនាក់ទំនងមិត្តភាព និងកិច្ចសហប្រតិបត្តិការលើគ្រប់ជ្រុងជ្រោយរវាងប្រជាជននៃប្រទេសទាំងពីរ វៀតណាម-កម្ពុជា។ លោកស្រី Nguyen Phuong Nga បានឲ្យដឹងថា គណៈប្រធាន VUFO បានសម្រេចចិត្តប្រគល់គ្រឿងអនុស្សាវរីយ៍ “ដើម្បីសន្តិភាព មិត្តភាពរវាងបណ្តាប្រជាជាតិ” ជូនលោកឯកអគ្គរាជទូត ប្រាក់ ងួនហុង ដើម្បីទទួលស្គាល់ និងលើកតម្កើងការរួមវិភាគទានជាវិជ្ជមានរបស់លោកឯកអគ្គរាជទូត។

លោកឯកអគ្គរាជទូត ប្រាក់ ងួនហុង បានមានប្រសាសន៍ថានៅពេលអនាគត នៅក្នុងឋានៈណាដ៏ដោយ លោកនឹងខិតខំប្រឹងប្រែងអស់ពីកម្លាំងកាយកចិត្ត ដើម្បីរួមចំណែកជំរុញទំនាក់ទំនងមិត្តភាពជាប្រពៃណី និងកិច្ចសហប្រតិបត្តិការលើគ្រប់ជ្រុងជ្រោយរវាងកម្ពុជា និងវៀតណាម៕

បកប្រែដោយ Huyen Trang