កងកម្លាំងដែលចូលរួមដង្ហែក្បួនព្យុះហយាត្រាក្នុងឱកាសទិវាបុណ្យឯករាជ្យជាតិធ្វើដំណើរទៅដល់ទីក្រុងហាណូយដើម្បីចូលរួមហ្វឹកហ្វឺន

អតីតយុទ្ធជន និងយុវជនទទួលស្វាគមន៍កងកម្លាំងដែលចូលរួមដង្ហែក្បួនព្យុះហយាត្រានៅស្ថានីយ៍រថភ្លើងហាណូយនាថ្ងៃទី ៦ ខែមិថុនា

ដើម្បីត្រៀមរៀបចំឲ្យកងទ័ពធ្វើដំណើរទៅបំពេញបេសកកម្មនៅភាគខាងជើង អគ្គនាយកដ្ឋានភស្តុភារនិងបច្ចេកទេស បានណែនាំឱ្យនាយកដ្ឋានម៉ូតូនិងដឹកជញ្ជូនត្រៀមរៀបចំផែនការដើម្បីដាក់ជូនអគ្គសេនាធិការដ្ឋាននៃកងទ័ពប្រជាជន​វៀតណាម​អនុម័ត។​ នាយកដ្ឋានម៉ូតូនិងដឹកជញ្ជូនក៏បានសហការជាមួយអគ្គក្រុមហ៊ុនផ្លូវដែកវៀតណាម ត្រៀមរៀបចំរថភ្លើងចំនួន ៣ ខ្សែ ដើម្បីដឹកជញ្ជូនកងទ័ពទៅកាន់ទីក្រុងហាណូយ។

សម្រាប់ការដឹកជញ្ជូនតាមផ្លូវគោក មធ្យោបាយដឹកជញ្ជូនទាំងអស់ដែលដឹកកងទ័ពនិងសម្ភារៈត្រូវបានត្រួតពិនិត្យ និងធានាបាននូវស្ថានភាពបច្ចេកទេសល្អ។ ក្រុមអ្នកបើកបរត្រូវបានបណ្តុះបណ្តាលយ៉ាងល្អ។ នាយកដ្ឋានម៉ូតូនិងដឹកជញ្ជូន បានសហការយ៉ាងជិតស្និទ្ធជាមួយកម្លាំងនគរបាលចរាចរណ៍ទីក្រុងហាណូយ ដើម្បីធានាបាននូវចរាចរណ៍ដោយរលូន និងសុវត្ថិភាព។

បច្ចុប្បន្ននេះ កងកម្លាំងដែលចូលរួមក្នុងដង្ហែក្បួនព្យុះហយាត្រាបានទៅដល់អង្គភាពនានា ដើម្បីត្រៀមខ្លួនបំពេញបេសកកម្ម៕

បកប្រែដោយ Pham Diep