ធ្វើការយាមល្បាតអនុវត្តច្បាប់នៅតាមព្រំដែនវៀតណាម-ចិន

ក្រុមល្បាតនៃប៉ុស្តិ៍នគរបាលព្រំដែន Nghia Thuan កងទ័ពការពារព្រំដែនខេត្ត Tuyen Quang (វៀតណាម) និងប៉ុស្តិ៍នគរបាលព្រំដែន Babu (ចិន) បានថតរូបអនុស្សាវរីយ៍នៅបង្គោលព្រំដែនលេខ ៣២៥

ប៉ុស្តិ៍នគរបាលព្រំដែន Nghia Thuan គ្រប់គ្រងព្រំដែនប្រវែងជាង ២០ គីឡូម៉ែត្រ ដែលនៅជាប់នឹងស្រុក Malipo ខេត្ត Yunnan ប្រទេសចិន។ ក្នុងនោះមានច្រករបៀងសម្រាប់ការលក់ដូរ និងទៅសួរសុខទុក្ខសាច់ញាត្តិរវាងពលរដ្ឋនៃប្រទេសទាំងពីរនៅបង្គោលព្រំដែនលេខ ៣២៥។ ក្នុងអំឡុងពេលល្បាតរួមគ្នាដើម្បីអនុវត្តច្បាប់តាមបណ្តោយព្រំដែន ក្រុមល្បាតនៃប៉ុស្តិ៍នគរបាលព្រំដែន Nghia Thuan និងប៉ុស្តិ៍នគរបាលព្រំដែន Babu បានល្បាត និងត្រួតពិនិត្យតំបន់បង្គោលព្រំដែនពីបង្គោលលេខ ៣២៣ ដល់បង្គោលលេខ ៣២៥ នៅតាមព្រំដែនវៀតណាម-ចិន។ ការល្បាតបានបង្ហាញថា តំបន់ព្រំដែន និងបង្គោលព្រំដែននៅតែស្ថិតក្នុងសភាពដើម ដោយគ្មានការផ្លាស់ទី ឬការខូចខាតឡើយ។ សន្តិសុខ និងសណ្តាប់ធ្នាប់នៅតំបន់ព្រំដែនត្រូវបានរក្សា។ ហើយមិនមានការរំលោភបំពានច្បាប់ ឬអធិបតេយ្យភាពទឹកដីជាតិត្រូវបានរកឃើញទេ។

ភាគីទាំងពីរបានផ្លាស់ប្តូរព័ត៌មានអំពីស្ថានភាពព្រំដែន និងវាយតម្លៃការសម្របសម្រួល

ក្នុងអំឡុងពេលល្បាត អង្គភាពទាំងពីរបានផ្លាស់ប្តូរព័ត៌មានយ៉ាងឆាប់រហ័សអំពីការសម្របសម្រួលក្នុងការគ្រប់គ្រង និងការពារព្រំដែនរវាងភាគីទាំងពីរ និងបានកំណត់ទិសដៅនៃការសម្របសម្រួលនាពេលអនាគតក្នុងការគ្រប់គ្រង និងការពារព្រំដែនតាមផែនការ។ ក្នុងពេលជាមួយគ្នានេះ ពង្រឹងកិច្ចខិតខំប្រឹងប្រែងឃោសនាដើម្បីធានាថាប្រជាជននៅសងខាងព្រំដែនគោរពតាមបទប្បញ្ញត្តិច្បាប់ ជៀសវាងការចេញចូលដោយខុសច្បាប់ ។ ជាពិសេសក្នុងអំឡុងពេលចុងឆ្នាំ ត្រូវរកឃើញ និងទប់ស្កាត់ការរត់ពន្ធ ការក្លែងបន្លំពាណិជ្ជកម្ម ទំនិញក្លែងក្លាយ និងផលិតផលក្លែងក្លាយតាមបណ្តោយព្រំដែនឱ្យបានទាន់ពេលលេខា។ កសាងព្រំដែនវៀតណាម-ចិនប្រកបដោយសន្តិភាព មិត្តភាព សហប្រតិបត្តិការ និងការអភិវឌ្ឍ៕

បកប្រែដោយ Duy Hoan