នាវាលេខ ០៩ កងពលតូចលេខ ១៧១ ទៅដល់កោះ Batam ប្រទេសឥណ្ឌូនេស៊ី ដើម្បីត្រៀមរៀបចំសម្រាប់ការធ្វើហាត់សមនៅលើសមុទ្រអាស៊ាន-អាមេរិកលើកទី២

នាវាលេខ ០៩ កងពលតូចលេខ ១៧១ បានចាកចេញពីកំពង់ផែយោធាកងពលតូចលេខ ១៧១ នៅថ្ងៃទី ៤ ខែធ្នូ។ បន្ទាប់ពីការធ្វើដំណើរក្នុងរយៈពេល ៥ ថ្ងៃ ក្រុមបេសកកម្ម និងនាវិកនៃនាវាលេខ ០៩ បានខិតខំប្រឹងប្រែងជំនះការលំបាក ដើម្បីបំពេញភារកិច្ចឲ្យបានល្អ។

ក្រុមបេសកកម្ម និងនាវាលេខ ០៩ មានកិច្ចប្រជុំស្ដីពីការបំពេញភារកិច្ច

ក្នុងអំឡុងពេលធ្វើដំណើរនៅលើសមុទ្រ នាវាលេខ ០៩ និងក្រុមបេសកកម្ម បានរៀបចំបង្វឹកបង្ហាត់បក់ទង់ឲ្យសញ្ញា ភ្លើង ប្រយុទ្ធដើម្បីការពារភាពរឹងមាំនៃនាវា ពិធីគោរពនាវាជាដើម ព្រមទាំងការធានាសុវត្ថិភាពដាច់ខាត។

នៅថ្ងៃទី ៨ និងទី ៩ ខែធ្នូ នាវាលេខ ០៩ បានបន្តហ្វឹកហាត់ និងត្រៀមរៀបចំសម្រាប់សកម្មភាពនានាក្នុងក្របខ័ណ្ឌនៃការធ្វើហាត់សម AUMX-2 នៅកោះ Batam ប្រទេសឥណ្ឌូនេស៊ី៕

បកប្រែដោយ Thanh Cong