កងទ័ពជើងទឹកវៀតណាម និងនូវែលសេឡង់ធ្វើសមយុទ្ធរួមគ្នា

នាវាទាំងពីរបានធ្វើសមយុទ្ធរួមគ្នាលើការអនុវត្តវិធីគោរពគ្នានៅសមុទ្រ ការផ្លាស់ប្តូរព័ត៌មាន និងអនុវត្តក្រមប្រតិបត្ដិសម្រាប់ការជួបគ្នាដោយចៃដន្យនៅសមុទ្រ (CUES)។ល។ ខ្លឹមសារទាំងឡាយត្រូវបានអនុវត្តដោយព្រមៗគ្នា តាមផែនការដែលបានព្រមព្រៀង។

នាយទាហានសេនាធិការនៃភាគីទាំងពីរ ពិភាក្សា និងឯកភាពលើផែនការហ្វឹកហ្វឺនរួមគ្នា (រូបថត៖ vnanet.vn)

សូមរំលឹកថា ពីថ្ងៃទី ២៣ ដល់ថ្ងៃទី ២៧ ខែតុលា នាវា HMNZS Aotearoa បានចូលចតនៅកំពង់ផែ Nha Rong ដើម្បីបំពេញទស្សនកិច្ចនៅទីក្រុងហូជីមិញ។ ក្នុងអំឡុងពេលស្នាក់នៅក្នុងទីក្រុង ក្រុមនាវិកនៃនាវាបានធ្វើការផ្លាស់ប្តូរ និងមានជំនួបជាមួយជាតំណាងនៃបញ្ជាការដ្ឋានកងទ័ពជើងទឹកតំបន់លេខ២។ កងពលតូចលេខ ១៦៧ ក៏បានបញ្ជូនក្រុមការងារមួយទៅឡើងនាវា HMNZS Aotearoa ដើម្បីពិភាក្សា និងឯកភាពលើផែនការហ្វឹកហ្វឺនរួមរវាងភាគីទាំងពីរ ព្រមទាំងផ្លាស់ប្តូរអំពីសកម្មភាពភស្តុភារ៕

បកប្រែដោយ Thanh Cong