កាសែតកងទ័ពប្រជាជន និងសារព័ត៌មានគុយបាចែករំលែកបទពិសោធន៍ក្នុងការរៀបចំការឃោសនាក្នុងយុគសម័យឌីជីថល

ជំនួប​ធ្វើ​ការ​រវាង​កាសែតកងទ័ពប្រជាជន ជាមួយ​ទីភ្នាក់ងារផ្សព្វផ្សាយ​ពហុព័ត៌មាន Ideas Multimedias

លោក​​ឧត្តមសេនីយ៍ត្រី Doan Xuan Bo អគ្គ​និពន្ធនាយក ប្រគល់​អំណោយ​ជូន​ទីភ្នាក់ងារផ្សព្វផ្សាយ​ពហុព័ត៌មាន Ideas Multimedias

បច្ចុប្បន្ន Ideas Multimedios កំពុងអនុវត្តកម្មវិធីនយោបាយ Mesa Redonda (តុមូល) ចាក់ផ្សាយតាមទូរទស្សន៍ជាតិ និងជាម្ចាស់កាសែតអេឡិចត្រូនិក Cubadebate ។ ទន្ទឹមនឹងនេះដែរ Prensa Latina គឺជាទីភ្នាក់ងារសារព័ត៌មានឈានមុខគេមួយនៅក្នុងប្រទេសគុយបា។ Prensa Latina បានបង្កើតការិយាល័យការ​ជាង ៣០​ ប្រចាំនៅក្នុងប្រទេសជាច្រើនជុំវិញពិភពលោក រួមទាំងវៀតណាមផងដែរ។

ក្នុងពេលថ្មីៗនេះ Ideas Multimedios និង Prensa Latina បានផ្តល់ព័ត៌មានដ៏សម្បូរបែប និងគួរឱ្យទុកចិត្ត ដូច្នេះមិត្ត​អ្នកអានមានទស្សនៈត្រឹមត្រូវអំពីការអភិវឌ្ឍរបស់ប្រទេសគុយបាក្នុងវិស័យនយោបាយ សេដ្ឋកិច្ច សង្គម ការការពារជាតិ និងសន្តិសុខ ក៏ដូចជាផ្តោតលើការបន្តរួមចំណែកពង្រឹងការយល់ដឹង និងមិត្តភាពជាប្រពៃណីរវាងគុយបា និងប្រទេសដទៃទៀត រួមទាំងវៀតណាមផងដែរ។

លោកឧត្តមសេនីយ៍ត្រី Doan Xuan Bo បានសម្តែងនូវសេចក្តីរីករាយដែលត្រូវបានជូនដំណឹងអំពីសមិទ្ធិផលនៃការអភិវឌ្ឍ​របស់ Ideas Multimedios និង Prensa Latina។ លោក​បាន​ជម្រាបជូន​អំពី​ដំណើរការបង្កើត និងអភិវឌ្ឍន៍នៃកាសែតកងទ័ពប្រជាជន ក៏ដូចជាមុខងារ ភារកិច្ច និងសមិទ្ធិផលរបស់កាសែតនាពេលថ្មីៗនេះ។ ជាពិសេស កាសែតកងទ័ពប្រជាជនត្រូវបានរដ្ឋាភិបាលវៀតណាមកំណត់ថាជាទីភ្នាក់ងារសារព័ត៌មានមួយក្នុងចំណោមទីភ្នាក់ងារសារព័ត៌មានចំនួន ៦ ដំបូងគេក្នុងប្រទេស ដើម្បីអនុវត្តគំរូនៃទីភ្នាក់ងារសារព័ត៌មានស្នូល​ពហុព័ត៌មាន។

ជំនួប​ធ្វើ​ការ​រវាង​កាសែតកងទ័ពប្រជាជន និងទីភ្នាក់ងារសារព័ត៌មាន Prensa Latina

គណៈប្រតិភូកាសែតកងទ័ពប្រជាជន និងកម្មាភិបាល អ្នកសារព័ត៌មាន នៃទីភ្នាក់ងារសារព័ត៌មាន Prensa Latina

នៅកន្លែងនីមួយៗ ក្នុងបរិយាកាសស្និទ្ធស្នាល និងបើកចំហ ភាគីទាំងពីរបានផ្លាស់ប្តូរ និងចែករំលែកបទពិសោធន៍ក្នុងការងារឃោសនា ដើម្បីការពារមូលដ្ឋានមនោគមវិជ្ជារបស់បក្ស ប្រយុទ្ធប្រឆាំងនឹងទស្សនៈខុសឆ្គង និងអរិភាព ក្នុងស្ថានភាពថ្មី ជាពិសេសនៅលើបណ្តាញសង្គម និងវេទិកាឌីជីថល។ អនុវត្តសមិទ្ធិផលនៃបញ្ញាសិប្បនិមិត្ត (AI) និងបច្ចេកវិទ្យាទំនើបក្នុងវិស័យសារព័ត៌មានប្រកបដោយប្រសិទ្ធភាព ធ្វើឱ្យប្រសើរឡើងនូវគុណភាពនៃការងារផ្សព្វផ្សាយ​ព័ត៌មានការ​បរទេស អភិវឌ្ឍសារព័ត៌មានពហុវេទិកា ដើម្បីសម្របខ្លួនទៅនឹងនិន្នាការឌីជីថល រួម​ទាំង​ ការងារ​បោះពុម្ពផ្សាយសារព័ត៌មាន ការបំប៉ន់អ្នកសារព័ត៌មានវ័យក្មេង...

ក្នុងឱកាសនេះ លោក​ឧត្តមសេនីយ៍ត្រី​ Doan Xuan Bo បានគោរពអញ្ជើញកម្មាភិបាល​​ និងអ្នកសារព័ត៌មាននៃ Ideas Multimedias និង Prensa Latina មកទស្សនាកាសែតកងទ័ពប្រជាជននៅពេលមានឱកាសបំពេញ​ទស្សនកិច្ចការងារ​នៅវៀតណាម៕

បកប្រែដោយ Duy Hoan