ប្រធានរដ្ឋវៀតណាមចេញដំណើរទៅចូលរូមកិច្ចពិភាក្សាទូទៅកម្រិតខ្ពស់មហាសន្និបាតអង្គការសហប្រជាជាតិ

នាថ្ងៃទី ២១ ខែកញ្ញា លោក Luong Cuong ប្រធានរដ្ឋវៀតណាម និងភរិយា រួមជាមួយគណៈប្រតិភូជាន់ខ្ពស់វៀតណាមបានចេញដំណើរទៅទៅចូលរូមកិច្ចពិភាក្សាទូទៅកម្រិតខ្ពស់មហាសន្និបាតអង្គការសហប្រជាជាតិ នីតិកាលទី៨០ រួមនឹងសកម្មភាពទ្វេភាគីនៅសហរដ្ឋអាមេរិកចាប់ពីថ្ងៃទី ២១ ដល់ថ្ងៃទី ២៤ ខែកញ្ញា។

លោក Luong Cuong ប្រធានរដ្ឋវៀតណាម និងភរិយា ចេញដំណើរទៅទៅចូលរូមកិច្ចពិភាក្សាទូទៅកម្រិតខ្ពស់មហាសន្និបាតអង្គការសហប្រជាជាតិ នីតិកាលទី៨០

ចូលរួមដំណើរទស្សនកិច្ចជាមួយ លោក Luong Cuong ប្រធានរដ្ឋវៀតណាម និងលោកជំទាវ Nguyen Thi Minh Nguyet ក្នុងដំណើរបំពេញទស្សនកិច្ចការងារមានថ្នាក់ដឹកនាំក្រសួង ស្ថានប័នមួយចំនួនផងដែរ។

ការដែល​ លោក Luong Cuong ប្រធានរដ្ឋវៀតណាម អញ្ជើញ​ចូលរួមកិច្ចពិភាក្សាទូទៅកម្រិត​ខ្ពស់នៃមហាសន្និបាតអង្គការសហប្រជាជាតិនីតិកាលទី ៨០ ឆ្លុះបញ្ចាំងពីការចូលរួមយ៉ាងសកម្ម និងការរួមចំណែកប្រកបដោយការទទួលខុសត្រូវរបស់វៀតណាមចំពោះសកម្មភាពរបស់អង្គការសហប្រជាជាតិ រួមចំណែកក្នុងការអះអាង និងលើកកំពស់តួនានីអន្តរជាតិរបស់វៀតណាម សំដែងសារអំពីទស្សនៈរបស់វៀតណាមលើការគោរពច្បាប់អន្តរជាតិ ធម្មនុញ្ញអង្គការសហប្រជាជាតិ និងការដោះស្រាយជម្លោះដោយសន្តិវិធី។

តាមរយៈសកម្មភាពទ្វេភាគីនៅសហរដ្ឋអាមេរិក ក៏ដូចជាជំនួបរបស់ប្រធានរដ្ឋវៀតណាម​ជាមួយអាជ្ញាធរ​ មិត្តភ័ក្តិ ធុរកិច្ច អ្នកជំនាញ អ្នកប្រាជ្ញ នៃស​ហរដ្ឋ​អាមេរីក និងសហគមន៍វៀតណាមក្នុងប្រទេសសាមីនោះ ក៏រួមចំណែកជំរុញទំនាក់ទំនងសហប្រតិបត្តិការរវាងប្រទេសទាំងពីរ ទទួលបានការគាំទ្រពីគ្រប់មជ្ឈដ្ឋាន បង្ហាញពីគោលនយោបាយមហាសាមគ្គី​ជាតិ និងទាក់ទាញធនធានបន្ថែមទៀត ដើម្បីបម្រើការអភិវឌ្ឍប្រទេសជាតិ​៕

បកប្រែដោយ Duy Hoan