សាធារណរដ្ឋឆែកតែងតែយកចិត្តទុកដាក់លើការជំរុញទំនាក់ទំនងជាមួយវៀតណាម

ក្នុងក្របខ័ណ្ឌនៃដំណើរទស្សនកិច្ចការងារនៅសាធារណរដ្ឋឆែក នាថ្ងៃទី ១៩ ខែកញ្ញា លោកស្រី Nguyen Thi Thanh និងគណៈប្រតិភូរដ្ឋសភាវៀតណាមបានជួបសវនាការ​ជាមួយ លោក Milos Vystrcil ប្រធានព្រឹទ្ធសភា និងបានជួបពិភាក្សាការងារជាមួយលោក Jan Skopececk អនុប្រធានសភាជាន់ទាប។

លោកស្រី Nguyen Thi Thanh និងគណៈប្រតិភូរដ្ឋសភាវៀតណាម ជួបសវនាការ​ជាមួយ លោក Milos Vystrcil ប្រធានព្រឹទ្ធសភា

ថ្នាក់ដឹកនាំព្រឹទ្ធសភា និងសភាជាន់ទាបសាធារណរដ្ឋឆែកបានអះអាងថា សាធារណរដ្ឋឆែកជានិច្ចកាលយកចិត្តទុកដាក់ជំរុញទំនាក់ទំនងជាមួយវៀតណាម ដែលជាដៃគូសំខាន់ និងជា​ទីផ្សារសក្តានុពលរបស់សាធារណរដ្ឋឆេកនៅអាស៊ីអាគ្នេយ៍ និងបានទទួលស្គាល់ការរួមចំណែកជាវិជ្ជមានរបស់សហគមន៍វៀតណាមនៅសាធារណរដ្ឋឆែកជាមួយនឹងគុណតម្លៃពិសេសគឺការឧស្សាហ៍ព្យាយាម ការខិតខំប្រឹងប្រែង ដែលត្រូវបានប្រជាជនឆែកស្រឡាញ់ និងចាត់ទុកថាជាផ្នែកមួយនៃសង្គមឆែក។

លោកស្រី Nguyen Thi Thanh បានអះអាងថា វៀតណាមជានិច្ចកាលយកចិត្តទុកដាក់ និងមានបំណងចង់ពង្រឹងទំនាក់ទំនងមិត្តភាពជាប្រពៃណីជាមួយសាធារណរដ្ឋឆែក - ដៃគូអាទិភាពមួយក្នុងចំណោមដៃគូអាទិភាពរបស់វៀតណាមនៅតំបន់អឺរ៉ុបកណ្តាលនិងខាងកើត ហើយបានស្នើឱ្យភាគីទាំងពីរបង្កើនការផ្លាស់ប្តូរគណៈប្រតិភូថ្នាក់ដឹកនាំរដ្ឋសភា គណៈកម្មាធិការ និងក្រុមសមាជិកសភាមិត្តភាព ដើម្បីចែករំលែកបទពិសោធន៍ក្នុងវិស័យច្បាប់ និងការត្រួតពិនិត្យ។

លោកស្រី Nguyen Thi Thanh ជួបពិភាក្សាការងារជាមួយលោក Jan Skopececk អនុប្រធានសភាជាន់ទាប

ភាគីទាំងពីរបានចំណាយពេលវេលាពិភាក្សាអំពីវិធានការជាក់លាក់ដើម្បីអនុវត្តប្រកបដោយប្រសិទ្ធភាពនូវក្របខ័ណ្ឌភាពជាដៃគូយុទ្ធសាស្ត្រវៀតណាម - ឆែក ជំរុញយន្តការសហប្រតិបត្តិការដែលមានស្រាប់ដូចជាគណៈកម្មាធិការអន្តររដ្ឋាភិបាលវៀតណាម - ឆែកស្តីពីកិច្ចសហប្រតិបត្តិការសេដ្ឋកិច្ច ជំរុញកិច្ចសហប្រតិបត្តិការលើវិស័យជាច្រើនដូចជា នយោបាយ-ការទូត ការងារ ការអប់រំ-បណ្តុះបណ្តាល ការពារជាតិ សន្តិសុខ ការផ្លាស់ប្តូរប្រជាជន និងប្រជាជន និងកិច្ចសហប្រតិបត្តិការសភា បើកការហោះហើរត្រង់រវាងវៀតណាម និងសាធារណរដ្ឋឆែកក្នុងពេលឆាប់ៗនេះ។

អនុប្រធានសភាជាន់ទាបឆែកបានអះអាងថា នឹងយកចិត្តទុកដាក់ និងជំរុញការបញ្ចប់ការផ្តល់សច្ចាប័នលើកិច្ចព្រមព្រៀងគាំរ​ពារការវិនិយោគវៀតណាម-សហភាពអឺរ៉ុប (EVIPA) ហើយគណៈកម្មការអឺរ៉ុប (EC) ពិចារណាដកកាតលឿង IUU សម្រាប់ការនាំចេញអាហារសមុទ្ររបស់វៀតណាម៕

បកប្រែដោយ Duy Hoan