នាវានៃកងនាវាចរប៉ាស៊ីហ្វិករុស្ស៊ី កងទ័ពជើងទឹកសហព័ន្ធរុស្ស៊ី បំពេញទស្សនកិច្ចនៅទីក្រុង Da Nang

ពិធីទទួលស្វាគមន៍នៅកំពង់ផែ Tien Sa មានការចូលរួមពីតំណាងស្ថាប័នមានសមត្ថកិច្ចរបស់វៀតណាម និងសហព័ន្ធរុស្ស៊ី។

ពិធីទទួលស្វាគមន៍នាវានៃកងនាវាចរប៉ាស៊ីហ្វិក កងទ័ពជើងទឹករុស្ស៊ីនៅកំពង់ផែ Tien Sa

ក្នុងដំណើរទស្សនកិច្ចនេះ មេបញ្ជាការកងនាវានឹងទៅដាក់កម្រងផ្កានៅវិមានរំលឹកវិញ្ញាណក្ខន្ធយុទ្ធជនពលីទីក្រុង Da Nang ជួបសម្តែងការគួរសមជាមួយថ្នាក់ដឹកនាំគណៈកម្មាធិការប្រជាជនទីក្រុង Da Nang បញ្ជាការដ្ឋានតំបន់លេខ ៣ នៃកងទ័ពជើងទឹកវៀតណាម និងបញ្ជាការដ្ឋានយោធភូមិភាគទី៥ នាយទាហាននិងនាវិកនៃកងនាវាចរប៉ាស៊ីហ្វិកជួបប្រាស្រ័យជាមួយកម្មាភិបាល និងយុទ្ធជននៃតំបន់លេខ៣ នៃកងទ័ពជើងទឹកវៀតណាម ទៅទស្សនាគោលដៅទេសចរណ៍នៅមូលដ្ឋាន ហើយចូលរួមហ្វឹកហាត់រួមរវាងនាវាកងទ័ពជើងទឹកវៀតណាម និងនាវានៃកងនាវាចរប៉ាស៊ីហ្វិក កងទ័ពជើងទឹករុស្ស៊ី។

ដំណើរទស្សនកិច្ចលើកនេះរបស់នាវានៃកងនាវាចរប៉ាស៊ីហ្វិក កងទ័ពជើងទឹករុស្ស៊ីនៅទីក្រុង Da Nang ជួយពង្រឹងទំនាក់ទំនងមិត្តភាពជាប្រពៃណី និងការជឿទុកចិត្តគ្នាទៅវិញទៅមក រួមចំណែកជម្រុញទំនាក់ទំនងភាពជាដៃគូយុទ្ធសាស្ត្រគ្រប់ជ្រុងជ្រោយរវាងវៀតណាម និងរុស្ស៊ី ព្រមទាំង ជួយផ្សព្វផ្សាយរូបភាពនៃទីក្រុង Da Nang ដល់មិត្តអន្តរជាតិ៕

បកប្រែដោយ Thuy Anh