តំណាងស្ថាប័នមានសមត្ថកិច្ចនៃក្រសួងការពារប្រទេសវៀតណាមទទួលកងកម្លាំងនៃកងទ័ពរំដោះប្រជាជនចិនដែលអញ្ជើញចូលរួមក្នុងការដង្ហែក្បួនព្យុះហយាត្រា

សូមរំលឹកថា ក្នុងឱកាសខួបលើកទី ៨០ នៃទិវារំដោះភាគខាងត្បូង បង្រួបបង្រួមប្រទេសជាតិ (ថ្ងៃទី៣០ ខែមេសា ឆ្នាំ១៩៧៥ / ថ្ងៃទី៣០ ខែមេសា ឆ្នាំ២០២៥) ក្រសួងការពារប្រទេសវៀតណាម បានអញ្ជើញកងទ័ពរំដោះប្រជាជនចិន បញ្ជូនផែនយោធិនទៅចូលរួមការដង្ហែក្បួនព្យុះហយាត្រា។

ទទួលកងកម្លាំងនៃកងទ័ពរំដោះប្រជាជនចិននៅស្ថានីយ T2 អាកាសយានដ្ឋានអន្តរជាតិ Tan Son Nhat

នៅពេលដែលយន្តហោះពិសេសដឹកកងកម្លាំងនៃកងទ័ពរំដោះប្រជាជនចិនបានចុះចតនៅអាកាសយានដ្ឋានអន្តរជាតិ Tan Son Nhat ស្ថាប័នមានសមត្ថកិច្ចនៃក្រសួងការពារប្រទេសវៀតណាម និងតំណាងអនុគណៈកម្មការដង្ហែក្បួនព្យុះហយាត្រាក្នុងពិធីរំលឹកខួបលើកទី ៨០ នៃទិវារំដោះភាគខាងត្បូង បង្រួបបង្រួមប្រទេសជាតិ បានសហការជាមួយស្ថានអគ្គកុងស៊ុលចិនប្រចាំនៅទីក្រុងហូជីមិញ ទទួលក្រុមបេសកកម្ម។

មានប្រសាសន៍ក្នុងពិធីទទួល លោកវរសេនីយ៍ឯក Tran Ba khuong អនុប្រធាននាយកដ្ឋានហ្វឹកហ្វឺន-សាលា អគ្គសេនាធិការដ្ឋាននៃកងទ័ពប្រជាជនវៀតណាម បានសម្តែងនូវសេចក្តីរីករាយចំពោះការទទួលក្រុមបេសកកម្មនៃកងទ័ពរំដោះប្រជាជនចិន ហើយជូនពរក្រុមបេសកកម្មបំពេញល្អភារកិច្ចចូលរួមការដង្ហែក្បួនព្យុះហយាត្រា រួមចំណែកដល់ជោគជ័យនៃព្រឹត្តិកាណ៍។

បន្ទាប់មក ក្រុមបេសកកម្មបានបន្តធ្វើដំណើរទៅកាន់ខេត្ត Binh Duong តាមផែនការដែលបានឯកភាពពីមុន៕

បកប្រែដោយ Thuy Anh