បន្តលើកកម្ពស់តួនាទីសំខាន់របស់កងទ័ពក្នុងទំនាក់ទំនងវៀតណាម-ចិន

នៅក្នុងជំនួបពិភាក្សាការងារ លោកនាយឧត្តមសេនីយ៍ Zhang Youxia បានស្នើថា នាពេលខាងមុខ ភាគីទាំងពីរបន្តជំរុញតួនាទីសំខាន់របស់កងទ័ពក្នុងទំនាក់ទំនងទូទៅរវាងប្រទេសទាំងពីរ ជំរុញកិច្ចសហប្រតិបត្តិការលើវិស័យផ្សេងៗ; រក្សាយន្តការកិច្ចសហប្រតិបត្តិការ។ ទន្ទឹមនឹងនោះ ស្រាវជ្រាវ និងជំរុញកិច្ចសហប្រតិបត្តិការលើវិស័យឧស្សាហកម្មការពារជាតិ និងពាណិជ្ជកម្មយោធា បន្តជំរុញ និងពង្រីកកិច្ចសហប្រតិបត្តិការលើវិស័យបណ្តុះបណ្តាលធនធានមនុស្ស ការផ្លាស់ប្តូរអ្នកប្រាជ្ញ វិស័យភស្តុភារ ពេទ្យយោធា ជាពិសេសផ្នែកឱសថបុរាណ ប្រតិបត្តិការរក្សាសន្តិភាពរបស់អង្គការសហប្រជាជាតិ និងការឆ្លើយតបនឹងបញ្ហាប្រឈមសន្តិសុខមិនប្រពៃណី ជំរុញការផ្លាស់ប្តូរ និងចែករំលែកបទពិសោធន៍ក្នុងវិស័យធ្វើបរិវត្តកម្មឌីជីថលក្នុងវិស័យយោធា...

លោកនាយឧត្តមសេនីយ៍ Phan Van Giang និងលោកឧត្តមសេនីយឯក Zhang Youxia

ទាក់ទិននឹងបញ្ហាដែនសមុទ្រ លោកនាយឧត្តមសេនីយ៍ Phan Van Giang បានសង្កត់ធ្ងន់លើគោលជំហរដ៏ខ្ជាប់ខ្ជួនរបស់វៀតណាមក្នុងការដោះស្រាយរាល់វិវាទ និងការខ្វែងគំនិតគ្នាដោយសន្តិវិធី ឈរលើមូលដ្ឋានច្បាប់អន្តរជាតិ ក្នុងនោះមានអនុសញ្ញាអង្គការសហប្រជាជាតិស្តីពីច្បាប់សមុទ្រ (UNCLOS) ឆ្នាំ ១៩៨២ អនុវត្តយ៉ាងពេញលេញសេចក្តីថ្លែងការណ៍ស្តីពីការប្រតិបត្តិរបស់ភាគីនានានៅសមុទ្រខាងកើត (DOC); មានបំណងចង់ចរចាដើម្បីឆាប់ឯកភាព និងចុះហត្ថលេខាលើក្រមប្រតិបត្តិនៅសមុទ្រខាងកើត (COC) មានភាពជាក់ស្តែង មានប្រសិទ្ធភាព ស្របតាមច្បាប់អន្តរជាតិ និងផ្តល់ផលប្រយោជន៍ដល់ភាគីពាក់ព័ន្ធ។

ទិដ្ឋភាពនៃជំនួប

លោក​នាយឧត្តមសេនីយ៍ Phan Van Giang និងឧត្តមសេនីយ៍ឯក Zhang Youxia អញ្ជើញ​ជាសាក្សីក្នុងពិធីចុះហត្ថលេខាលើឯកសារ

នៅចុងបញ្ចប់នៃកិច្ចពិភាក្សា លោក​នាយឧត្តមសេនីយ៍ Phan Van Giang និងលោក​ឧត្តមសេនីយ៍ឯក Zhang Youxia បានធ្វើជាសាក្សីក្នុងពិធីចុះហត្ថលេខាលើឯកសារ៖ លិខិតសំដែងបំណងរវាងក្រសួងការពារប្រទេស​វៀតណាម និងក្រសួងការពារជាតិចិន ស្តីពីការពង្រឹងកិច្ចសហប្រតិបត្តិការលើវិស័យការពារជាតិ; កិច្ចព្រមព្រៀងស្តីពីកិច្ចសហប្រតិបត្តិការការពារព្រំដែនរវាងក្រសួងការពារប្រទេស​វៀតណាម និងក្រសួងការពារជាតិចិន៕

បកប្រែដោយ Duy Hoan