បង្កើតលក្ខខណ្ឌអំណោយផលសម្រាប់អង្គភាពអាជីវកម្មទួរគីចូលរួមក្នុងពិព័រណ៍ការពារជាតិអន្តរជាតិវៀតណាមឆ្នាំ ២០២៤

គណៈប្រតិភូក៏បានទៅទស្សនកិច្ចនៅមជ្ឈមណ្ឌលហ្វឹកហ្វឺនបញ្ជាការការពារដែនអាកាស និងអង្គភាពយន្តហោះគ្មានមនុស្សបើក ស្តាប់អង្គភាពណែនាំអំពីមុខងារ ភារកិច្ច និងចែករំលែកបទពិសោធន៍ក្នុងការហ្វឹកហ្វឺន និងបណ្តុះបណ្តាល។

លោកឧត្តមសេនីយ៍ទោ Pham Truong Son ទៅទស្សនកិច្ចនៅមជ្ឈមណ្ឌលហ្វឹកហ្វឺនបញ្ជាការការពារដែនអាកាស

ក្នុងជំនួបធ្វើការជាមួយគណៈប្រតិភូក្រសួងការពារជាតិវៀតណាម តំណាងថ្នាក់ដឹកនាំនៃទីភ្នាក់ងារឧស្សាហកម្មការពារជាតិនៃខុទ្ធកាល័យប្រធានាធិបតីទួរគី និងថ្នាក់ដឹកនាំ នៃអគ្គនាយកដ្ឋានការពារជាតិ និងសន្តិសុខ នៃក្រសួងការពារជាតិទួរគី បានសម្តែងនូវបំណងចង់បន្តជំរុញកិច្ចសហប្រតិបត្តិការទ្វេភាគីស្របតាមតម្រូវការ និងសមត្ថភាពរបស់ភាគីនីមួយៗ រួមទាំងការចែករំលែកបទពិសោធន៍ក្នុងការរៀបចំពិព័រណ៍ និងការតាំងពិព័រណ៍ការពារជាតិ ព្រមទាំងអះអាងការត្រៀមខ្លួនជាស្រេចក្នុងការបង្កើតលក្ខខណ្ឌអំណោយផលសម្រាប់សហគ្រាសការពារជាតិទួរគីចូលរួមក្នុងការតាំងបង្ហាញផលិតផលនៅឯពិព័រណ៍ការពារជាតិអន្តរជាតិវៀតណាមឆ្នាំ ២០២៤។ នាថ្ងៃទី ២៥ ឧសភា គណៈប្រតិភូបានចាកចេញពីប្រទេសនេះ បញ្ចប់ដំណើរបំពេញការងារនៅប្រទេសទួរគីដោយជោគជ័យ។

បកប្រែដោយ Duy Hoan