ជំរុញកិច្ចសហប្រតិបត្តិការសន្តិសុខ ការប្រយុទ្ធប្រឆាំងនឹងឧក្រិដ្ឋកម្មរវាងវៀតណាម និងឥណ្ឌូនេស៊ី
កប.អនឡាញ - នារសៀលថ្ងៃទី ២០ ឧសភា នៅទីក្រុងហាណូយ លោកនាយឧត្តមសេនីយ៍ To Lam សមាជិកការិយាល័យនយោបាយ រដ្ឋមន្ត្រីក្រសួងនគរបាលវៀតណាមបានទទួលជួបលោក Agus Andrianto មេបញ្ជាការរងនគរបាលជាតិឥណ្ឌូនេស៊ី ។
នៅក្នុងជំនួបនេះ លោកនាយឧត្តមសេនីយ៍ To Lam បានស្វាគមន៍លោក Agus Andrianto និងគណៈប្រតិភូជាន់ខ្ពស់នៃនគរបាលជាតិឥណ្ឌូនេស៊ី (INP) មកបំពេញទស្សនកិច្ចនៅវៀតណាម និងចូលរួមកិច្ចសន្ទនាសន្តិសុខថ្នាក់អនុរដ្ឋមន្ត្រីលើកទី៣ រវាងក្រសួងនរគបាលវៀតណាម និង INP។ លោកបានសម្តែងនូវសេចក្តីរីករាយដែលកិច្ចសន្ទនាទទួលបានជោគជ័យជាមួយនឹងវគ្គពិភាក្សាដ៏រស់រវើក។
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/27/2024/05/21/upload_2133/1.jpg?dpi=150&quality=100&w=500) |
លោកនាយឧត្តមសេនីយ៍ To Lam និងលោក Agus Andrianto មេបញ្ជាការរង INP (រូបថត៖ vnanet.vn) |
ដើម្បីជំរុញ និងពង្រឹងទំនាក់ទំនងកិច្ចសហប្រតិបត្តិការជិតស្និទ្ធរវាងក្រសួងនគរបាលវៀតណាម និង INP លោកនាយឧត្តមសេនីយ៍ To Lam បានស្នើថា ភាគីទាំងពីរបន្តបង្កើនការផ្លាស់ប្តូរគណៈប្រតិភូថ្នាក់ដឹកនាំជាន់ខ្ពស់ និងរក្សាយន្តការសន្ទនាសន្តិសុខថ្នាក់អនុរដ្ឋមន្ត្រីរវាងក្រសួងសន្តិសុខនគរបាលវៀតណាម និង INP អនុវត្តតាមយន្តការប្តូរវេនប្រចាំឆ្នាំ។
នៅក្នុងជំនួបនេះ លោក Agus Andrianto មេបញ្ជាការរង INP បានអះអាងថា INP និយាយដោយឡែក និងស្ថាប័នមានសមត្ថកិច្ចឥណ្ឌូណេស៊ីនិយាយរួម ចង់បន្តជំរុញ និងពង្រឹងកិច្ចសហប្រតិបត្តិការជិតស្និទ្ធជាមួយក្រសួងនគរបាលវៀតណាម ដើម្បីធ្វើឲ្យស៊ីជម្រៅទំនាក់ទំនងភាពជាដៃគូយុទ្ធសាស្ត្ររវាងប្រទេសទាំងពីរ។
គួររំលឹកថា នាព្រឹកថ្ងៃទី២០ ឧសភា នៅទីក្រុងហាណូយ ក្រសួងនគរបាលវៀតណាមបានរៀបចំកិច្ចសន្ទនាសន្តិសុខថ្នាក់អនុរដ្ឋមន្ត្រីលើកទី៣ រវាងក្រសួងនគរបាលវៀតណាម និង INP។ លោកឧត្តមសេនីយ៍ឯក Luong Tam Quang សមាជិកគណៈកម្មាធិការមជ្ឈិមបក្ស អនុរដ្ឋមន្ត្រីក្រសួងនគរបាល និងលោក Agus Andrianto មេបញ្ជាការរង INP ធ្វើជាសហប្រធានកិច្ចសន្ទនា៕
បកប្រែដោយ Duy Hoan