ក្រុមទ័ពជាងវៀតណាមនៅតំបន់ Abyei រៀបចំកិច្ចពិភាក្សាអំពីទឹកស្អាត
កប.អនឡាញ - ក្នុងបំណងជ្រោមជ្រែងនឹងទិវាទឹកស្អាតពិភពលោកឆ្នាំ២០២៤ ក្រុមទ័ពជាងវៀតណាមនៅស្ថានបេសកកម្មសន្តិសុខបណ្តោះអាសន្នរបស់អង្គការសហប្រជាជាតិនៅតំបន់ Abyei (UNISFA) ទើបតែរៀបចំកម្មវិធីពិភាក្សាអំពីផលប៉ះពាល់នៃគុណភាពទឹកលើសុខភាពប្រជាជន ការបំពុលបរិស្ថាន ការធ្វើប្រព្រឹត្តិកម្មសំណល់រឹង និងផលប៉ះពាល់នៃការសម្អាតអនាម័យបរិស្ថានលើប្រភពទឹកនៅ Abyei។
កិច្ចពិភាក្សានេះមានការចូលរួមពីក្រសួង ស្ថាប័នមានសមត្ថកិច្ច អាជ្ញាធរដែនដីនៃតំបន់ Abyei និងអង្គភាពនានានៃ UNISFA។ នៅក្នុងកិច្ចពិភាក្សានេះ ប្រតិភូបានពិភាក្សាអំពីបញ្ហាដែលនៅសេសសល់ និងមូលហេតុនាំមកនូវវិបត្តិទឹកស្អាតនៅ Abyei។
ចាប់តាំងពីបំពេញភារកិច្ចនៅ Abyei ក្រុមទ័ពជាងវៀតណាម បានរៀបចំសកម្មភាពជាច្រើនដើម្បីជួយដល់សហគមន៍មូលដ្ឋានដូចជា៖ ការស្ដារប្រឡាយបង្ហូរទឹកមុនរដូវវស្សា ជីកអណ្តូងទឹក ឧបត្ថម្ភម៉ាស៊ីនបូមទឹក ការផ្តល់ទឹកស្អាតពីរដងក្នុងមួយសប្តាហ៍ ឬបើកកន្លែងផ្គត់ផ្គង់ទឹកស្អាតនៅជាប់បន្ទាយ Highway។ នាពេលខាងមុខ ក្រុមទ័ពជាងវៀតណាមនឹងបន្តសហការជាមួយស្ថាប័ន និងអង្គភាពនៃស្ថានបេសកកម្ម ក៏ដូចជាអាជ្ញាធរមូលដ្ឋាន ដើម្បីជួយប្រជាជន Abyei ធ្វើឲ្យល្អនូវការសម្អាតអនាម័យបរិស្ថាន ដើម្បីការពារ និងទាញយកប្រភពទឹកស្អាត៕
បកប្រែដោយ Thuy Anh