វៀតណាមបានត្រៀមខ្លួនរួចជាស្រេចដើម្បីចូលរួមជាមួយប្រទេស ADMM+ ក្នុងការហ្វឹកហ្វឺនរក្សាសន្តិភាព

នេះជាសកម្មភាពត្រួតពិនិត្យបន្ត ហើយក៏ជាការត្រួតពិនិត្យលើកចុងក្រោយរបស់ថ្នាក់ដឹកនាំក្រសួងការពារប្រទេសវៀតណាម មុននឹងបើកព្រឹត្តិការណ៍នេះ ដើម្បីត្រួតពិនិត្យ និងពិនិត្យឡើងវិញឱ្យបានហ្មត់ចត់នូវដំណាក់ត្រៀមរៀបចំរបស់ស្ថាប័ន និងអង្គភាពពាក់ព័ន្ធនានាសម្រាប់ព្រឹត្តិការណ៍ដំបូងដែលបានធ្វើឡើងនៅប្រទេសវៀតណាម។

លោកឧត្តមសេនីយ៍ឯក Phung Si Tan អនុប្រធានអគ្គសេនាធិការនៃកងទ័ពប្រជាជនវៀតណាមអញ្ជើញជាអធិបតីក្នុង​ការ​ត្រួត​ពិនិត្យ​

លោកឧត្តមសេនីយ៍ឯក Phung Si Tan បានស្នើឱ្យស្ថាប័ន និងអង្គភាពនានាសម្រេចរាល់ការត្រៀមរៀបចំទាំងអស់ ធានាបន្ទប់បង្រៀន ទីលានហ្វឹកហាត់ សម្ភារៈបរិក្ខារ និងឧបករណ៍ ត្រៀមឲ្យរួចរាល់សម្រាប់សកម្មភាពនាពេលខាងមុខ។

កម្មវិធីនេះដែលពីមុនត្រូវបានគេស្គាល់ថាជាលំហាត់ហ្វឹកហ្វឺនរបស់ក្រុមអ្នកជំនាញរក្សាសន្តិភាពក្នុងក្របខណ្ឌ ADMM+ ក្នុងគោលបំណងពង្រឹងភាពជាដៃគូ និងកិច្ចសហប្រតិបត្តិការ បង្កើនសមត្ថភាពសហការ និងជំនាញរក្សាសន្តិ​ភាព​សម្រាប់ប្រទេសជាសមាជិកក្នុងការបំពេញភារកិច្ចរក្សាសន្តិភាពអង្គការសហប្រជាជាតិនៅកម្រិតយុទ្ធវិធី។

អង្គភាព​ទាំង​ឡាយ​រាយ​ការណ៍​អំពីការ​ងារត្រៀម​រៀប​ចំ​

កម្មវិធីនេះប្រព្រឹត្តទៅចាប់ពីថ្ងៃទី ១៣ ដល់ថ្ងៃទី ២១ ខែកញ្ញា នៅមជ្ឈមណ្ឌលហ្វឹកហ្វឺនយោធជាតិលេខ៤ និងកងវរសេនាតូចទ័ពជាងលេខ ៣១ នៃកងពលតូចលេខ ២៨ ប្រភេទទ័ពការពារដែនអាកាស និងទ័ពអាកាស ដែលរៀបចំឡើងដោយ​វៀតណាមនិងជប៉ុន ដោយមានការចូលរួមពីគណៈប្រតិភូអ្នកជំនាញ​រក្សាសន្តិភាពមកពីប្រទេសជាសមាជិកក្នុងក្របខ័ណ្ឌនៃ ADMM+៕

បកប្រែដោយ Duy Hoan