វៀតណាម-EU ចែករំលែកបទពិសោធន៍ក្នុងការរក្សាសន្តិភាព
កប.អនឡាញ - នារសៀលថ្ងៃទី២៨ ខែកញ្ញា នាយកដ្ឋានរក្សាសន្តិភាពវៀតណាមបានធ្វើជាអធិបតីក្នុងកិច្ចប្រជុំចែករំលែកបទពិសោធន៍ស្ដីពីការរក្សាសន្តិភាព/គោលនយោបាយសន្តិសុខ និងការពាររួម តាមប្រព័ន្ធវីដេអូផង និងជួបគ្នាផ្ទាល់ផង រវាងវៀតណាម និងសហភាពអឺរ៉ុប (EU)។
ព្រឹត្តិការណ៍នេះគឺសំដៅលើកកម្ពស់ការយល់ដឹងស្ដីពីគោលនយោបាយរក្សាសន្តិភាព ការគ្រប់គ្រងវិបត្តិ ការលើកកម្ពស់សមត្ថភាព និងបទពិសោធន៍ក្នុងការរក្សាសន្តិភាពរបស់អង្គការសហប្រជាជាតិ ការយល់ដឹងស្ដីពីគោលនយោបាយសន្តិសុខ និងការការពាររួមរបស់ EU ក៏ដូចជាបង្ហាញពីសុឆន្ទៈរបស់វៀតណាមក្នុងការជម្រុញកិច្ចសហប្រតិបត្តិការលើវិស័យការពារជាតិជាមួយ EU ផងដែរ។
ព្រឹត្តិការណ៍នេះក៏ជួយលើកកម្ពស់សមត្ថភាពសម្រាប់កម្លាំងវៀតណាមមុនពេលចូលរួមការបង្វឹកបង្ហាត់របស់ EU នៅសាធារណរដ្ឋអាហ្វ្រិកកណ្តាល (EUTM RCA) ហើយចែករំលែកបទពិសោធន៍ជាមួយយោធិនវៀតណាមដែលចូលរួមសកម្មភាពរក្សាសន្តិភាពរបស់អង្គការសហប្រជាជាតិ និងសកម្មភាពគ្រប់គ្រងវិបត្តិ ដោយស្របតាមគោលនយោបាយសន្តិសុខ និងការការពាររួមរបស់សហភាពអឺរ៉ុប៕
បកប្រែដោយ Thuy Anh