ផែនការអនុវត្តសេចក្ដីសម្រេចចិត្តស្ដីពីការចូលរួមកងកម្លាំងរក្សាសន្តិភាពរបស់អង្គការសហប្រជាជាតិ
កប.អនឡាញ - នាយករដ្ឋមន្រ្តីវៀតណាម លោក Nguyen Xuan Phuc ទើបតែចេញផ្សាយផែនការអនុវត្តសេចក្ដីសម្រេចចិត្តរបស់រដ្ឋសភាស្ដីពីការចូលរួមកងកម្លាំងរក្សាសន្តិភាពរបស់អង្គការសហប្រជាជាតិ។
    |
 |
|
វៀតណាមចូលរួមយ៉ាងសកម្មក្នុងបេសកកម្មរក្សាសន្តិភាពរបស់អង្គការសហប្រជាជាតិ (រូបថត៖ ស្ថានបេសកកម្មអចិន្ត្រៃយ៍វៀតណាមប្រចាំនៅអង្គការសហប្រជាជាតិ) |
គោលដៅនៃផែនការគឺកំណត់ទំនួលខុសត្រូវ និងបែងចែកភារកិច្ចជូនដល់បណ្ដាក្រសួង និងស្ថាប័នទាំងឡាយ ដោយធានាការអនុវត្តសេចក្ដីសម្រេចចិត្តបានទាន់ពេលវេលា ឯកភាព និងមានប្រសិទ្ធភាព។
តាមផែនការ ក្រសួងនិងស្ថាប័នទាំងឡាយតាមសមត្ថកិច្ចរបស់ខ្លួននឹងអនុវត្តន៍ការត្រួតពិនិត្យ ផ្ទៀងផ្ទាត់ និងរកឃើញនូវឯកសារច្បាប់ដែលមិនសមស្រប ឬផ្ទុយទៅនឹងការកំណត់នៃសេចក្ដីសម្រេចចិត្តរបស់រដ្ឋសភា ដើម្បីស្នើសុំថ្នាក់មានសមត្ថកិច្ចចេញការសម្រេច ឬតាមសមត្ថកិច្ចរបស់ខ្លួនធ្វើវិសោធនកម្ម បំពេញបន្ថែម លុបចោល ឬចេញឯកសារច្បាប់ជំនួសឲ្យបានសមស្របទៅនឹងសេចក្ដីសម្រេចចិត្តរបស់រដ្ឋសភា។
គួរបញ្ជាក់ដែរថា សេចក្ដីសម្រេចចិត្តស្ដីពីការចូលរួមកងកម្លាំងរក្សាសន្តិភាពរបស់អង្គការសហប្រជាជាតិត្រូវបានរដ្ឋសភា នីតិកាលទី១៤ អនុម័តនៅសម័យប្រជុំលើកទី១០ កាលពីថ្ងៃទី១៣ វិច្ឆិកា ឆ្នាំ២០២០ ហើយនឹងចូលជាធរមាននៅថ្ងៃទី ១ កក្កដា ឆ្នាំ២០២១ ខាងមុខនេះ៕
បកប្រែដោយ Duy Hoan