មានបណ្តាគ្រូពេទ្យវៀតណាមនៅប្រទេសស៊ូដង់ខាងត្បូង!
កប.អនឡាញ - ក្នុងឱកាសបុណ្យចូលឆ្នាំថ្មីនេះ កម្មាភិបាល និងបុគ្គលិកចំនួន ៦៣ នាក់នៃកងពេទ្យកម្រិត២ លេខ២ នៅប្រទេសស៊ូដង់ខាងត្បូងគួរណាស់ថាបានជួបជុំក្រុមគ្រួសាររបស់ពួកគេនៅវៀតណាម ប៉ុន្តែអាណត្តិរបស់ពួកគេត្រូវពន្យាពេលពីរបីខែទៀតដោយសារជំងឺរាតត្បាតកូវីដ១៩ ។ ទោះជាទទួលអំណរបុណ្យចូលឆ្នាំថ្មីនៅឆ្ងាយពីផ្ទះក៏ដោយ ក៏ប៉ុន្តែពួកគេមានអំណរពីការងារដែលមានអត្ថន័យ រួមចំណែកក្នុងការផ្សព្វផ្សាយរូបភាពមាតុភូមិវៀតណាមនៅកន្លែងពិសេសមួយ...
រឿងរ៉ាវរបស់លោកវេជ្ជបណ្ឌិត Koma Akim
ពីមន្ទីរពេទ្យ Bentiu (ប្រទេសស៊ូដង់ខាងត្បូង) លោកវរសេនីយ៍ទោ វេជ្ជបណ្ឌិត Nguyen Quang Chien នាយករងទទួលបន្ទុកជំនាញនៅកងពេទ្យកម្រិត២ លេខ២ បានចែករំលែកអំពីសកម្មភាពជួយគាំទ្រប្រជាជនស៊ូដង់ខាងត្បូង ដោយចាប់ផ្តើមពីរឿងរ៉ាវរបស់មិត្តរួមការងារម្នាក់នៅស៊ូដង់ខាងត្បូង - លោកវេជ្ជបណ្ឌិត Koma Akim នៃមន្ទីរពេទ្យ Bentiu ។ នៅក្នុងសាច់រឿង ម្តាយរបស់អ្នកជំងឺដែលមានអាយុ ១៣ ឆ្នាំគឺ កញ្ញា Nyakola Tely បាននិយាយថា “កូនស្រីរបស់ខ្ញុំរស់ហើយ! អរគុណព្រះ និងបន់ស្រន់ព្រះទ្រទ្រង់ប្រទេសវៀតណាម ជាប្រទេសដែលបាននាំគ្រូពេទ្យមកទីនេះ រួមជាមួយគ្រឿងបរិក្ខាពេទ្យដើម្បីជួយវះកាត់ឲ្យកូនខ្ញុំ”។ មុននោះ លោកវេជ្ជបណ្ឌិត Koma Akim ហាក់ដូចជាអស់សង្ឃឹមក្នុងការវះកាត់ដើម្បីយកដុំសាច់យក្សមួយចេញនៅភ្លៅខាងស្តាំរបស់ Tely ដោយសារតែខ្វះឧបករណ៍ដែលត្រូវការសម្រាប់ការវះកាត់ឆ្អឹង។ ប៉ុន្តែក្រោយមក អព្ភូតហេតុក៏លេចចេញមក គាត់ទទួលបានខ្សែកាត់ឆ្អឹងមួយ និងឧបករណ៍មួយចំនួនទៀតសម្រាប់ការវះកាត់ដែលបានជួយគាំទ្រពីប្រទេសវៀតណាម។
លោកវេជ្ជបណ្ឌិត Koma Akim និងបុគ្គលិកទាំងអស់នៃមន្ទីរពេទ្យ Bentiu រំជួលចិត្តខ្លាំងណាស់។ ដោយចង់ថ្លែងអំណរគុណដល់ប្រទេសវៀតណាម និងលោកវេជ្ជបណ្ឌិត Chien តែមិនដឹងធ្វើយ៉ាងណា លោកបណ្ឌិត Koma Akim បានជ្រើសរបៀបផ្ញើអ៊ីមែលរឿងរ៉ាវដែលកុមារ Tely បានសង្គ្រោះជីវិតនោះទៅកាន់ស្ថានបេសកម្មទាំងអស់នៅប្រទេសស៊ូដង់ខាងត្បូងក្នុងគោលបំណងចង់ផ្សព្វផ្សាយរឿងរ៉ាវដ៏មានអត្ថន័យនេះជាការថ្លែងអំណរគុណដ៏ពិសេស។
|
|
រដ្ឋមន្រ្តីក្រសួងអប់រំស្តីទី Bentiu បានប្រគល់ប័ណ្ណសើសរជូនកងពេទ្យកម្រិត២ លេខ ២ វៀតណាម ដោយបានចូលរួមយ៉ាងសកម្មក្នុងសកម្មភាព CIMIC នៅក្នុងតំបន់ |
លោកវរសេនីយ៍ទោ វេជ្ជបណ្ឌិត Vo Van Hien នាយកកងពេទ្យកម្រិត២ លេខ២ បានមានប្រសាសន៍ថា “ទោះបីជាមានការខ្វះខាត និងការលំបាកជាច្រើននូវសំភារៈបរិក្ខាពេទ្យ ជាពិសេសនៅក្នុងបរិបទនៃការរាតត្បាតក៏ដោយ ក៏យើងខ្ញុំតែងតែត្រៀមខ្លួនជាស្រេចដើម្បីជួយដល់អង្គភាពមិត្ត និងប្រជាជនក្នុងតំបន់តាមលទ្ធភាពដែលអាចធ្វើបាន។
កងពេទ្យកម្រិត២ លេខ២ របស់ប្រទេសវៀតណាមបានក្លាយជាទីកន្លែងថែទាំសុខភាពគួរឲ្យជឿទុកចិត្តសម្រាប់កងកម្លាំងមួកខៀវរបស់អង្គការសហប្រជាជាតិនៅមូលដ្ឋាន Bentiu ។ មិនត្រឹមតែអង្គភាពពេទ្យនៃស្ថានបេសកកម្មប៉ុណ្ណោះទេ ថែមទាំងមន្ទីរពេទ្យតាមមូលដ្ឋាននានាក៏ស្នើសុំជំនួយទាំងជំនាញ និងបរិក្ខារពេទ្យនៅពេលដែលគេជួបការលំបាកដែរ។ ដោយបានការអនុញ្ញាតពីភ្នាក់ងារសុខាភិបាល កងពេទ្យមិនបដិសេធការស្នើសុំជំនួយផ្នែកវេជ្ជសាស្រ្តណាមួយនៅក្នុងតំបន់នោះទេ។ លេខទូរស័ព្ទទាន់ហេតុការណ៍របស់កងពេទ្យកម្រិត២ លេខ ២ តែងតែត្រូវបានរក្សា ២៤/៧ ដោយប្តេជ្ញាចិត្តមិនព្រងើយកន្តើយចំពោះអ្នកជំងឺណាមួយដែលត្រូវការជំនួយផ្នែកវេជ្ជសាស្ត្រឡើយ។
|
|
កងពេទ្យកម្រិត២ លេខ២ វៀតណាមប្រគល់អំណោយជូនសិស្សនៃសាលាបឋមសិក្សា Bentiu |
លោកវេជ្ជបណ្ឌិត Tu Quang ទទួលបន្ទុកប្រតិបត្ដិការយោធាស៊ីវិល (CIMIC) នៃកងពេទ្យ បាននិយាយថា “យើងតែងតែកំណត់ថា ក្រៅពីបំពេញភារកិច្ចខាងវិជ្ជាជីវៈនោះ ចាំបាច់ត្រូវមានការទទួលខុសត្រូវក្នុងការរួមចំណែកផ្លាស់ប្តូរជីវិតរបស់ប្រជាជននៃប្រទេសសមី។ តាមរយៈសកម្មភាព CIMIC យើងពិតជាចង់ពង្រីកស្មារតីមនុស្សធម៌របស់ទាហានមួកខៀវ”។
វាយតំលៃពីប្រតិបត្ដិការ CIMIC របស់កងពេទ្យកម្រិត២ លេខ២ វៀតណាម លោកស្រី Geraldine Chioma Nzulumike ប្រធានការិយាល័យផ្សះផ្សានិងស្តាឡើងវិញ ប្រេសិតរបស់ប្រធានការិយាល័យតំណាងស្ថានបេសកកម្មប្រចាំតំបន់ (HoFo) មានប្រសាសន៍ថា “ការងាររបស់គ្រូពេទ្យវៀតណាមជាគំរូសម្រាប់សកម្មភាពទាំងអស់របស់អង្គការសហប្រជាជាតិនៅស៊ូដង់ខាងត្បូង ដោយបង្ហាញការប្តេជ្ញាចិត្តរបស់អង្គការសហប្រជាជាតិក្នុងការចូលរួមចំណែកដល់ការអភិវឌ្ឍប្រកបដោយចីរភាព និងសន្តិភាពរបស់ប្រជាជនស៊ូដង់ខាងត្បូង។ គ្រូពេទ្យវៀតណាមបានបំផុសគំនិតដល់កូនសិស្សទាំងអស់។ ប្រសិនបើដៃដែលស៊ាំនឹងការវះកាត់ និងការពិនិត្យជំងឺអាចធ្វើបានតុ កៅអី និងអក្ខរក្រមដ៏ស្រស់ស្អាតបែបនេះគឺកូនសិស្សកុំខ្លាចរៀនអ្វីដែលថ្មីៗ ហើយសាកល្បងធ្វើអ្វីៗដែលមានប្រយោជន៍ដល់សហគមន៍ និងសង្គម”៕
បកប្រែដោយ Duy Hoan