នាវាលេខ ០១១ - Dinh Tien Hoang និងនាវាលេខ ០១៥ - Tran Hung Dao បំពេញទស្សនកិច្ចនៅប្រទេសចិន
កប.អនឡាញ - តបតាមការអញ្ជើញរបស់កងទ័ពជើងទឹកនៃកងទ័ពរំដោះប្រជាជនចិន នារសៀលថ្ងៃទី១៤ ខែមេសា នាវាលេខ ០១១ - Dinh Tien Hoang និងនាវាលេខ ០១៥ - Tran Hung Dao ដឹកនាំដោយលោកវរសេនីយ៍ឯក Nguyen Dinh Hung មេបញ្ជាការរង និងជាប្រធានសេនាធិការតំបន់លេខ ៤ កងទ័ពជើងទឹកប្រជាជនវៀតណាម បានចាកចេញពីកំពង់ផែយោធា Cam Ranh ចាប់ផ្តើមបំពេញទស្សនកិច្ចនៅប្រទេសចិន ក្នុងឱកាសរំលឹកខួបអនុស្សាវរីយ៍លើកទី៧០ នៃការបង្កើតកងទ័ពជើងទឹកចិន និងចូលរួមសកម្មភាពទ័ពជើងទឹកពហុភាគី ជាមួយកងទ័ពជើងទឹកនៃបណ្តាប្រទេសនៅលើពីភពលោក។