កិច្ចសហប្រតិបត្តិការលើវិស័យការពារជាតិរវាងវៀតណាមនិងឡាវបន្តអភិវឌ្ឍយ៉ាងសកម្ម
កប.អនឡាញ - នារសៀលថ្ងៃ១០ ខែមេសា ក្នុងឱកាសបុណ្យចូលឆ្នាំថ្មីប្រពៃណីឡាវ ជំនួសមុខក្រសួងការពារប្រទេសវៀតណាម លោកឧត្តមសេនីយ៍ត្រី Nguyen Dai Hoi អនុប្រធាននាយកដ្ឋានទាក់ទងអន្តរជាតិបានទៅជូនពរបុណ្យចូលឆ្នាំថ្មីចំពោះស្ថានទូតឡាវប្រចាំនៅវៀតណាម។
តាងនាមក្រសួងការពារប្រទេសវៀតណាម លោកឧត្តមសេនីយ៍ត្រី Nguyen Dai Hoi បានជូនពរឆ្នាំថ្មីចំពោះកម្មាភិបាល បុគ្គលិកនៃស្ថានទូតឡាវប្រចាំនៅវៀតណាម និងកម្មាភិបាល យុទ្ធជនកងទ័ពប្រជាជនឡាវក្នុងឱកាសបុណ្យចូលឆ្នាំថ្មីប្រពៃណីឡាវ។
|
|
លោកឧត្តមសេនីយ៍ត្រី Nguyen Dai Hoi ជូនផ្កាឲ្យកម្មាភិបាល បុគ្គលិកនៃស្ថានទូតឡាវប្រចាំនៅវៀតណាម |
លោកឧត្តមសេនីយ៍ត្រី Nguyen Dai Hoi បានវាយតម្លៃថា នៅឆ្នាំ២០១៨ ទំនាក់ទំនងរវាងវៀតណាមនិងឡាវបន្តអភិវឌ្ឍយ៉ាងសកម្ម រួមទាំងកិច្ចសហប្រតិបត្តិការលើវិស័យការពារជាតិ។ លោកជឿជាក់ថា ទំនាក់ទំនងលើវិស័យការពារជាតិទ្វេភាគីនឹងបន្តអភិវឌ្ឍថែមទៀត នៅពេលខាងមុខនេះ។ លោកឧត្តមសេនីយ៍ត្រី Nguyen Dai Hoi បញ្ជាក់ថា នាយកដ្ឋានទាក់ទងអន្តរជាតិនៃក្រសួងការពារប្រទេសវៀតណាមនឹងខិតខំប្រឹងប្រែងអស់ពីកម្លាំងកាយចិត្តដើម្បីរួមវិភាគទានក្នុងការអភិវឌ្ឍទំនាក់ទំនងនេះ។
លោក Thongsavanh Phomvihane ឯកអគ្គរដ្ឋទូតប្រចាំនៅវៀតណាមបានវាយតម្លៃខ្ពស់ចំពោះកិច្ចសហប្រតិបត្តិការល្អប្រសើររវាងប្រទេសទាំពីរនិយាយរួម និងកងទ័ពនៃប្រទេសទាំងពីរនិយាយដោយឡែកនៅពេលកន្លងមក។ យោងតាមលោក Thongsavanh Phomvihane ឆ្នាំ២០១៩ គឺជាឆ្នាំរំលឹកខួបអនុស្សាវរីយ៍សំខាន់ៗនៃប្រទេសទាំងពីរ។ លោកបញ្ជាក់ថា ក្នុងឋានៈរបស់ខ្លួន លោកនឹងខិតខំអស់ពីកម្លាំងកាយចិត្តដើម្បីជម្រុញទំនាក់ទំនងរវាងបក្ស រដ្ឋ កងទ័ព និងប្រជាជននៃប្រទេសទាំងពីរឡាវ-វៀតណាមថែមទៀត៕
បកប្រែដោយ Thuy Anh