លោកនាយឧត្តមសេនីយ៍ Nguyen Tan Cuong និងក្រុមបេសកកម្ម បានសម្តែងការរីករាយចំពោះការផ្លាស់ប្តូរវិជ្ជមានពីមួយថ្ងៃទៅមួយថ្ងៃនៅទីនេះ។ ក្រុមបេសកកម្មបានសួរសុខទុក្ខ និងស្ថានភាពនៃជីវភាពរស់នៅរបស់កម្មាភិបាល យុទ្ធជន និងប្រជាជន ហើយស្តាប់សេចក្តីប្រាថ្នា ចែករំលែកការលំបាក និងលើកទឹកចិត្តកងកម្លាំងដែលកំពុងបំពេញភារកិច្ចនៅទីនេះ។

leftcenterrightdel
លោកនាយឧត្តមសេនីយ៍ Nguyen Tan Cuong ជូនពរឆ្នាំថ្មីដល់កងទ័ពនិងប្រជាជនកោះ Truong Sa

លោកនាយឧត្តមសេនីយ៍ Nguyen Tan Cuong និងក្រុមបេសកកម្មបានកោតសរសើរចំពោះភាពសកម្ម ស្មារតីច្នៃប្រឌិតដើម្បីឈ្នះការលំបាករបស់កម្មាភិបាល និងយុទ្ធជននៅលើកោះនានា និងផ្ទះរន្ទា។ លោកសង្កត់ធ្ងន់ថា គណៈកម្មាធិការបក្សយោធាមជ្ឈិម ក្រសួងការពារប្រទេស កងទ័ព និងប្រជាជនទាំងមូល តែងតែផ្តល់ទំនុកចិត្តលើកងកម្លាំងដែលកំពុងបំពេញភារកិច្ចការពារអធិបតេយ្យភាពសមុទ្រ និងកោះនានារបស់មាតុភូមិ។ លោកសង្ឃឹមថា កម្មាភិបាល និងយុទ្ធជន នឹងបន្តពង្រីកប្រពៃណីសាមគ្គីភាព ជំនះរាល់ការលំបាក និងបំពេញល្អភារកិច្ចដែលត្រូវបានប្រគល់។

leftcenterrightdel
លោកនាយឧត្តមសេនីយ៍ Nguyen Tan Cuong ជូនអំណោយដល់កងកម្លាំងទាំងឡាយនៅលើកោះ

លោកនាយឧត្តមសេនីយ៍ Nguyen Tan Cuong និងក្រុមបេសកកម្ម បានស្នើឲ្យកងកម្លាំងទាំងឡាយរក្សាការត្រៀមខ្លួនប្រយុទ្ធជាស្រេច និងសហការក្នុងការដោះស្រាយឧប្បត្តិហេតុ គ្រប់គ្រងយ៉ាងតឹងរ៉ឹងលើដែនសមុទ្រ និងដែនអាកាសនៃមាតុភូមិ។ ក្រុមបេសកកម្មក៏បានស្នើឲ្យគណៈកម្មាធិការបក្ស និងមេបញ្ជាការគ្រប់លំដាប់ថ្នាក់បង្កើនការគ្រប់គ្រង គោរពវិន័យ បង្កើនការអប់រំអំពីការទទួលខុសត្រូវក្នុងការការពារអធិបតេយ្យភាពសមុទ្រ និងកោះនានា យកចិត្តទុកដាក់ចំពោះជីវភាពរស់នៅ និងសុខភាពរបស់កងទ័ព និងប្រជាជន បន្តធ្វើឲ្យបានល្អនូវការឃោសនា និងការលើកទឹកចិត្តអ្នកនេសាទឲ្យគោរពតាមគោលការណ៍ណែនាំរបស់បក្ស គោលនយោបាយ និងច្បាប់របស់រដ្ឋ បទប្បញ្ញត្តិស្តីពីការនេសាទ ការការពារបរិស្ថានសមុទ្រ និងសំណង់ ទ្រព្យសម្បត្តិជាតិ ហើយកសាងកោះ និងផ្ទះរន្ទាឲ្យក្លាយជាទីបង្អែកដ៏រឹងមាំសម្រាប់អ្នកនេសាទ។ ក្នុងឱកាសបុណ្យចូលឆ្នាំថ្មីប្រពៃណី ក្រុមបេសកកម្មគណៈកម្មាធិការបក្សយោធាមជ្ឈិម និងក្រសួងការពារប្រទេស ជូនពរដល់កម្មាភិបាល យុទ្ធជន និងប្រជាជននៅលើកោះ និងផ្ទះរន្ទា ឲ្យមានបុណ្យចូលឆ្នាំថ្មីដ៏កក់ក្តៅ រីករាយ ដោយបង្កើនការតភ្ជាប់រវាងកងទ័ព និងប្រជាជន និងរក្សាការត្រៀមខ្លួនប្រយុទ្ធជាស្រេច៕

បកប្រែដោយ Thuy Anh