គណៈកម្មាធិការបក្សយោធាមជ្ឈិម ក្រសួងការពារប្រទេស​​ ជួបសំណេះសំណាលជាមួយអតីតកម្មាភិបាលជាន់ខ្ពស់ក្នុងកងទ័ពដែលចូលនិវត្តន៍នៅតំបន់ភាគខាងជើងវៀតណាម

គណៈកម្មាធិការបក្សយោធាមជ្ឈិម និងក្រសួងការពារប្រទេសរៀបចំជំនួបសំណេះសំណាលជាមួយកម្មាភិបាលជាន់ខ្ពស់ក្នុងកងទ័ពដែលចូលនិវត្តន៍ បង្ហាញពីការយកចិត្តទុកដាក់របស់បក្ស រដ្ឋ និងកងទ័ពចំពោះកម្មាភិបាលជំនាន់មុន ព្រមទាំងជួបជុំ លើកទឹកចិត្ត សួរសុខទុក្ខ ផ្តល់ព័ត៌មាន ពង្រឹងសាមគ្គីភាពជិតស្និទ្ធរវាងកម្មាភិបាលគ្រប់ជំនាន់ ស្រូបយកបទពិសោធន៍ដ៏មានតម្លៃពីកម្មាភិបាលជាន់ខ្ពស់ក្នុងកងទ័ពដែលចូលនិវត្តន៍ក្នុងបុព្វហេតុ​ពង្រឹងការ​ពារជាតិ កសាងកងទ័ព និងការពារមាតុភូមិ។

លោកនាយឧត្តមសេនីយ៍  Phan Van Giang ជម្រាបជូនអតីតកម្មាភិបាលជាន់ខ្ពស់ក្នុងកងទ័ពអំពីស្ថានភាពក្នុងប្រទេសនិងអន្តរជាតិ

ថ្លែងក្នុងជំនួបនេះ លោកនាយឧត្តមសេនីយ៍ Phan Van Giang បានសម្តែងការរីករាយដែលបានទទួលកម្មាភិបាលជាន់ខ្ពស់ក្នុងកងទ័ពដែលចូលនិវត្តន៍ ស្របពេលដែលបក្សទាំងមូល ប្រជាជនទាំងមូល និងកងទ័ពទាំងមូលកំពុងខិតខំប្រឡងប្រណាំងដើម្បីសម្រេចបាននូវសមិទ្ធផលខ្ពស់បំផុតដើម្បីអបអរសាទរមហាសន្និបាតលើកទី ១៤ របស់បក្ស និងស្វាគមន៍ឆ្នាំថ្មីសកល ២០២៦ និងត្រៀមទទួលអំណរឆ្នាំថ្មីប្រពៃណីជាតិ។

លោកនាយឧត្តមសេនីយ៍ Phan Van Giang បានជម្រាបជូននូវស្ថានភាពពិភពលោក តំបន់ និងប្រទេស និងលទ្ធផលការងារយោធា ការពារជាតិ ព្រមទាំងការកសាងគណៈកម្មាធិការបក្សកងទ័ពឆ្នាំ២០២៥ និងទិសដៅការងារឆ្នាំ ២០២៦។

លោកនាយឧត្តមសេនីយ៍ Phan Van Giang និងប្រតិភូចូលរួមជំនួបសំណេះសំណាល

លោកនាយឧត្តមសេនីយ៍ Phan Van Giang  និងប្រតិភូ រួមជាមួយលោកឧត្តមសេនីយ៍ទោ Nguyen Quoc Thuoc

ក្នុងនាមគណៈកម្មាធិការបក្សយោធាមជ្ឈិម ថ្នាក់ដឹកនាំក្រសួងការពារប្រទេស កម្មាភិបាល និងយុទ្ធជនក្នុងកងទ័ពទាំងមូល លោកនាយឧត្តមសេនីយ៍ Phan Van Giang មានបំណងចង់កម្មាភិបាលជាន់ខ្ពស់ក្នុងកងទ័ពដែលចូលនិវត្តន៍បន្តយកចិត្តទុកដាក់ ផ្ដល់យោបល់និងចែករំលែកបទពិសោធន៍ដ៏មានតម្លៃចំពោះបុព្វហេតុនៃការកសាង និងការពារមាតុភូមិ កសាងកងទ័ព និងពង្រឹងការពារជាតិរបស់ប្រទេសជាតិ។

ក្នុងឱកាសឆ្នាំថ្មីសកល ២០២៦ និងត្រៀមទទួលអំណរឆ្នាំថ្មីប្រពៃណីជាតិ  លោកនាយឧត្តមសេនីយ៍ Phan Van Giang បានផ្ដាំផ្ញើការសួរសុខទុក្ខ  និងជូនពរកម្មាភិបាលជាន់ខ្ពស់ក្នុងកងទ័ពដែលចូលនិវត្ដន៍ ជួបតែសេចក្តីសុខ និងសុភមង្គល៕

បកប្រែដោយ Pham Diep