បង្កើនការសម្របសម្រួលរវាងអគ្គនាយកដ្ឋានភស្តុភារបច្ចេកទេសជាមួយកាសែតកងទ័ពប្រជាជន

នៅឆ្នាំ ២០២៥ ការសម្របសម្រួលរវាងអង្គភាពទាំងពីរបានបន្តសម្រេចបានលទ្ធផលវិជ្ជមានជាច្រើន។ កាសែតកងទ័ពប្រជាជនបានផ្សព្វផ្សាយគោលនយោបាយ និងគោលការណ៍ណែនាំរបស់បក្ស រដ្ឋ គណៈកម្មាធិការបក្សយោធាមជ្ឈិម ក្រសួងការពារប្រទេសប្រកបដោយប្រសិទ្ធភាព។ ផ្សព្វផ្សាយអំពីការដឹកនាំ និងណែនាំកងទ័ពទាំងមូលលើវិស័យភស្តុភារបច្ចេកវិទ្យាយោធា ការងារធានាភស្តុភារបច្ចេកទេសក្នុងភារកិច្ចផ្សេងៗ...

តំណាងស្នងការដ្ឋាននយោបាយ អគ្គនាយកដ្ឋានភស្តុភារបច្ចេកទេស និងកាសែតកងទ័ពប្រជាជន ចុះហត្ថលេខាលើកិច្ចព្រមព្រៀងសហប្រតិបត្តិការផ្សព្វផ្សាយសម្រាប់ឆ្នាំ ២០២៦

ដោយផ្អែកលើសមិទ្ធផលទាំងនេះ នៅឆ្នាំ ២០២៦ ភាគីទាំងពីរបានសម្រេចចិត្តបន្តពង្រឹងការសម្របសម្រួលក្នុងការផ្សព្វផ្សាយ។ ក្នុងនោះជម្រុញការផ្សព្វផ្សាយព័ត៌មានលើកាសែតកងទ័ពប្រជាជនទាក់ទងនឹងគោលការណ៍ណែនាំ និងគោលនយោបាយរបស់បក្ស និងរដ្ឋ គណៈកម្មាធិការបក្សយោធាមជ្ឈិម ក្រសួងការពារប្រទេស និងសេចក្តីសម្រេចនៅគ្រប់លំដាប់ថ្នាក់ទាក់ទងនឹងភស្តុភារបច្ចេកទេស... ជម្រុញការផ្សព្វផ្សាយអំពីមុខងារ អត្ថន័យ ភារកិច្ចនៃការងារភស្តុភារ បច្ចេកទេស ចលនាប្រឡងប្រណាំង និងការងារចលនាក្នុងវិស័យភស្តុភារបច្ចេកទេស ការងារផ្លាស់ប្តូរថ្មីនិងកែលម្អវិធីសាស្រ្តនៃការធានាសម្ភារៈភស្តុភារ បច្ចេកទេស និងការកសាងវិស័យភស្តុភារ បច្ចេកទេសយោធាដ៏រឹងមាំ ឯកភាព និងមានប្រសិទ្ធភាព...

ប្រតិភូទាំងឡាយថតរូបជុំគ្នា

ថ្លែងនៅក្នុងកិច្ចប្រជុំ លោកឧត្តមសេនីយ៍ត្រី Nguyen Dinh Chieu អនុប្រធាន​នយោបាយ នៃអគ្គនាយកដ្ឋាន​ភស្តុភារបច្ចេកទេស បានថ្លែងអំណរគុណដល់កាសែតកងទ័ពប្រជាជនចំពោះការយកចិត្តទុកដាក់ ការគាំទ្រ និងការផ្សព្វផ្សាយព័ត៌មានទាន់ពេលវេលាលើសកម្មភាពរបស់អគ្គនាយកដ្ឋានភស្តុភារបច្ចេកទេស និងវិស័យភស្តុភារបច្ចេកទេសយោធា។ អាស្រ័យលើនេះរួមចំណែកដល់ការពង្រឹងគ្រឹះមូលដ្នាននយោបាយ និងសតិអារម្មណ៍របស់បក្ស លើកទឹកចិត្តកម្មាភិបាល យុទ្ធជន ពលករ នៅក្នុងអគ្គនាយកដ្ឋានភស្តុភារបច្ចេកទេស និងវិស័យភស្តុភារបច្ចេកទេស ឱ្យចូលរួមយ៉ាងសកម្មក្នុងការប្រឡងប្រណាំងនិងបំពេញភារកិច្ចដោយជោគជ័យ។ យើងខ្ញុំស្នើឱ្យភ្នាក់ងារ និងអង្គភាពនានានៅក្នុងអគ្គនាយកដ្ឋានភស្តុភារបច្ចេកទេស បន្តសម្របសម្រួលយ៉ាងជិតស្និទ្ធជាមួយកាសែតកងទ័ពប្រជាជន ដើម្បីផលិតអត្ថបទស៊ីជម្រៅលើការងារភស្តុភារ បច្ចេកទេស។ បង្កើនបន្ថែមទៀតនូវការផ្សព្វផ្សាយអំពីការអភិវឌ្ឍវិទ្យាសាស្ត្រ បច្ចេកវិទ្យា នវានុវត្តន៍ និងការធ្វើបរិវត្តកម្មឌីជីថលនៅក្នុងអគ្គនាយកដ្ឋាន និងវិស័យភស្តុភារបច្ចេកទេស។ លើសពីនេះ បន្តផ្សព្វផ្សាយគំរូល្អៗរបស់កងទ័ពភស្តុភារបច្ចេកទេសក្នុងការបំពេញកាតព្វកិច្ច និងគំរូល្អៗនៅតាមមូលដ្ឋាន...

បកប្រែដោយ Duy Hoan