បន្តជំរុញការធ្វើបរិវត្តកម្មឌីជីថលនៅក្នុងក្រសួងការពារប្រទេស

លោកនាយឧត្តមសេនីយ៍ Phan Van Giang មានប្រសាសន៍ក្នុងកិច្ចប្រជុំ

មានប្រសាសន៍ក្នុងកិច្ចប្រជុំនេះ លោកនាយឧត្តមសេនីយ៍ Phan Van Giang បានកោតសរសើរចំពោះស្ថាប័ន អង្គភាពនានាដែលបានខិតខំប្រឹងប្រែង និងសម្រេចបានលទ្ធផលលេចធ្លោក្នុងការងារធ្វើបរិវត្តកម្មឌីជីថល នាពេលកន្លងមក ហើយបានស្នើថា នាពេលខាងមុខ គណៈកម្មាធិការបក្ស និងមេបញ្ជាការស្ថាប័ន អង្គភាពគ្រប់លំដាប់ថ្នាក់នឹងបន្តអនុវត្តប្រកបដោយជោគជ័យនូវភារកិច្ចដែលបក្ស និងរដ្ឋាភិបាលប្រគល់ជូនលើការងារធ្វើបរិវត្តកម្មឌីជីថល។

ប្រតិភូអញ្ចើញ​ចូល​រួម​កិច្ចប្រជុំ​

លោកនាយឧត្តមសេនីយ៍ Phan Van Giang បានស្នើឱ្យគណៈកម្មាធិការដឹកនាំការអភិវឌ្ឍវិទ្យាសាស្ត្រ បច្ចេកវិទ្យា នវានុវត្តន៍ ធ្វើបរិវត្តកម្មឌីជីថល  អនុវត្តគម្រោងលេខ០៦  និងកំណែទម្រង់រដ្ឋបាលក្នុងក្រសួងការពារប្រទេស ពិនិត្យប្រព័ន្ធទាំងមូលឡើងវិញ​ វាយតម្លៃហេដ្ឋារចនាសម្ព័ន្ធ និងវិនិយោគលើសម្ភារៈ​ឧបករណ៍សម្រាប់ការធ្វើបរិវត្តកម្មឌីជីថល។ បន្តរៀបចំវគ្គបណ្តុះបណ្តាលស្តីពីការធ្វើបរិវត្តកម្មឌីជីថល ដែលក្នុងនោះចាំបាច់ត្រូវកំណត់បានជាក់លាក់នូវខ្លឹមសារ និងកម្មវិធីសម្រាប់មុខសញ្ញានីមួយៗ ធានាបាននូវប្រសិទ្ធភាព និងភាពជាក់ស្តែង។ លោកនាយឧត្តមសេនីយ៍ Phan Van Giang សង្ឃឹមថា អង្គភាព និងបុគ្គលក្នុងជួរកងទ័ពទាំងមូលនឹងលើកតម្កើងស្មារតីទទួលខុសត្រូវ អនុវត្តយ៉ាងម៉ឺងម៉ាត់ លើកកម្ពស់ភាពវៃឆ្លាត និងភាពបត់បែនក្នុងការអនុវត្តភារកិច្ចធ្វើបរិវត្តកម្មឌីជីថល បង្កើតជាមូលដ្ឋាន រួមចំណែកកសាងកងទ័ពមួយបដិវត្តន៍ វិន័យ ចំណាន ទំនើប។ល។

លោកនាយឧត្តមសេនីយ៍ Phan Van Giang ប្រគល់ប័ណ្ឌសរសើរជូន​អង្គភាព និងបុគ្គល ដែលមានសមិទ្ធិផលឆ្នើមក្នុងការអនុវត្តការងារធ្វើបិវត្តកម្មឌីជីថល

នៅក្នុងកិច្ចប្រជុំនេះ អង្គភាពចំនួន ៣៥ ដែលមានសមិទ្ធិផលឆ្នើមក្នុងការអនុវត្តការងារធ្វើបិវត្តកម្មឌីជីថលក្នុងដំណាក់កាល ២០២១-២០២៥ ទទួល​បាន​ប័ណ្ឌសរសើរពី​រដ្ឋមន្ត្រីក្រសួងការពារប្រទេស៕

បកប្រែដោយ Duy Hoan