រៀបចំរាល់សកម្មភាពអបអរសាទរខួបលើកទី ៨០ នៃទិវាប្រពៃណីរបស់អគ្គសេនាធិការដ្ឋាន ឲ្យ​បានល្អបំផុត

លោកនាយឧត្តមសេនីយ៍ Nguyen Tan Cuong មានប្រសាសន៍​ក្នុងកិច្ចប្រជុំ

មានប្រសាសន៍​ក្នុងកិច្ចប្រជុំ លោកនាយឧត្តមសេនីយ៍ Nguyen Tan Cuong បានកោតសរសើរ និងវាយតម្លៃខ្ពស់ចំពោះស្ថាប័ន អង្គភាពពាក់ព័ន្ធដែលបានសហការយ៉ាងជិតស្និទ្ធនឹងគ្នា ហើយរៀបចំសកម្មភាពជាច្រើនបានល្អ ដើម្បីអបអរសាទរខួបលើកទី ៨០ នៃទិវាប្រពៃណីរបស់អគ្គសេនាធិការដ្ឋាន នាពេលកន្លងមក។ ដើម្បីបំផុសមោទនភាព និងបង្កើតបរិយាកាសរីករាយ និងរំភើបចិត្តក្នុងចំណោមកម្មាភិបាល យុទ្ធជន លោកនាយឧត្តមសេនីយ៍ Nguyen Tan Cuong បានស្នើឱ្យកងទ័ពទាំងមូលបង្កើនការផ្សព្វផ្សាយព័ត៌មាន  និងផ្តោតលើសកម្មភាពសំខាន់ៗ។ ទីភ្នាក់ងារសារព័ត៌មានយោធាគួរតែបង្កើនការឃោសនាផ្សព្វផ្សាយអំពីប្រពៃណី ប្រវត្តិសាស្ត្រ និងសមិទ្ធិផលរបស់អង្គភាព និងបុគ្គលនៅក្នុងអគ្គសេនាធិការដ្ឋាន។

ប្រតិភូអញ្ជើញចូលរួម​កិច្ចប្រជុំ​

អង្គភាពដែលទទួលបានភារកិច្ចត្រូវសម្របសម្រួលយ៉ាងសកម្មជាមួយស្ថាប័ន មន្ទីរ និងផ្នែកនានានៃទីក្រុងហាណូយ និងទីក្រុងហូជីមិញ ដើម្បីឲ្យអគ្គសេនាធិការដ្ឋានអាចរៀបចំសកម្មភាពរំលឹខួបអនុស្សាវរីយ៍របស់ខ្លួននៅទីក្រុងទាំងពីរប្រកបដោយជោគជ័យ។ លោកនាយឧត្តមសេនីយ៍ Nguyen Tan Cuong បានកត់សម្គាល់ថា កម្មវិធីសិល្បៈត្រូវតែរៀបចំយ៉ាងហ្មត់ចត់ ដែលរំលេចប្រពៃណី ស្នាដៃ និងសមិទ្ធផលរបស់អគ្គសេនាធិការដ្ឋាននៃកងទ័ពប្រជាជនវៀតណាមក្នុងរយៈពេល ៨០ ឆ្នាំ នៃការកសាង ប្រយុទ្ធ និងរីកចម្រើន។ ស្ថាប័ន និងអង្គភាពនានាក្នុងអគ្គសេនាធិការដ្ឋានបន្តជំរុញសកម្មភាពគោលនយោបាយ ការចលនាមហាជន និងរៀបចំការចុះសួរសុខទុក្ខ និងផ្តល់អំណោយ ជូនគ្រួសារទទួលរបបឧបត្ថម្ភគោលនយោបាយនៅតំបន់ដាច់ស្រយាល តំបន់មូលដ្ឋានបដិវត្តន៍...

បកប្រែដោយ Duy Hoan