សម្របសម្រួលការឃោសនា ផ្សព្វផ្សាយ និងអប់រំច្បាប់ប្រកបដោយប្រសិទ្ធភាព

គណៈនិពន្ធនាយកនៃកាសែតកងទ័ពប្រជាជន ផ្តល់អំណោយជូនថ្នាក់ដឹកនាំនាយកដ្ឋាននីតិកម្មនៃក្រសួងការពារប្រទេស

បន្ទាប់ពីការចុះហត្ថលេខាលើបទប្បញ្ញត្តិនៃការសម្របសម្រួល (ខែវិច្ឆិកា ឆ្នាំ ២០២២) កាសែតកងទ័ពប្រជាជនបានរៀបចំការផ្សព្វផ្សាយលើផលិតផលបោះពុម្ពទាំងអស់របស់ខ្លួនប្រហែល ៨០ ដំណឹង និងអត្ថបទក្នុងមួយខែ ក្នុងទម្រង់ចម្រុះ និងខ្លឹមសារដ៏សម្បូរបែប ព្រមទាំងបានរៀបចំការប្រលងស្វែងយល់អំពីចំណេះដឹងផ្នែកច្បាប់លើកាសែតកងទ័ពប្រជាជន ដោយទាក់ទាញការចូលរួមពីប្រជាជន កម្មាភិបាល និងយុទ្ធជនជាច្រើនកុះករ។ ជាពិសេស នៅឆ្នាំ២០២៤ កាសែតកងទ័ពប្រជាជន បានសម្របសម្រួលជាមួយនាយកដ្ឋាននីតិកម្មនៃក្រសួងការពារប្រទេស បានបោះពុម្ពសៀវភៅ “ច្បាប់ និងជីវភាពរស់នៅ” ប្រកបដោយគុណភាពល្អ។

ទិដ្ឋភាពនៃកិច្ចប្រជុំ

ស្ថាប័នទាំងពីរបានឯកភាពវាយតម្លៃថា ក្នុងរយៈពេលកន្លងមក ការងារសម្របសម្រួលត្រូវបានអនុវត្តយ៉ាងជិតស្និទ្ធ និងស្របតាមខ្លឹមសារដែលបានចុះហត្ថលេខា។ កាសែតកងទ័ពប្រជាជនបានធ្វើការផ្លាស់ថ្មីយ៉ាងសកម្មនូវខ្លឹមសារ និងទម្រង់នៃការផ្សព្វផ្សាយ ដូច្នេះគុណភាព និងប្រសិទ្ធភាពកាន់តែខ្ពស់ឡើង; ផ្តោតលើការផ្សព្វផ្សាយ ណែនាំទម្រង់ថ្មី របៀបធ្វើល្អ បទពិសោធន៍ដ៏មានតម្លៃក្នុងការផ្សព្វផ្សាយ និងអប់រំច្បាប់ និងតួនាទីយ៉ាងសកម្មរបស់កម្លាំងកងទ័ពប្រជាជន ក្នុងការឃោសនា ផ្សព្វផ្សាយ និងអប់រំច្បាប់ ចលនាប្រជាជនឱ្យអនុវត្តច្បាប់នៅថ្នាក់មូលដ្ឋាន រួមចំណែកយ៉ាងសំខាន់ក្នុងការអនុវត្តគម្រោងលេខ១៣៧១។ លើកកម្ពស់លទ្ធផលដែលសម្រេចបាននាពេលខាងមុខ ស្ថាប័នទាំងពីរនឹងបន្តសម្របសម្រួលយ៉ាងជិតស្និទ្ធ; កាសែតកងទ័ពប្រជាជនបន្តផ្លាស់ថ្មីខ្លឹមសារ និងទម្រង់នៃការផ្សព្វផ្សាយ៕

បកប្រែដោយ Huyen Trang