ត្រៀមរៀបចំសិក្ខាសាលាដើម្បីអបអរសាទរខួបលើកទី ៨០ នៃទិវាបង្កើតកងទ័ព

លោកឧត្តមសេនីយ៍ឯក Le Huy Vinh សមាជិកគណៈកម្មាធិការមជ្ឈិមបក្ស អនុរដ្ឋមន្ត្រីក្រសួងការពារប្រទេស ប្រធានគណៈកម្មាធិការដឹកនាំសិក្ខាសាលាបានដឹកនាំកិច្ចប្រជុំ។

លោកឧត្តមសេនីយ៍ឯក Le Huy Vinh ថ្លែង​ក្នុង​កិច្ចប្រជុំ​

សិក្ខាសាលានេះមានគោលបំណងបញ្ជាក់ និងបំភ្លឺអំពីគោលការណ៍ណែនាំ និងគោលនយោបាយដ៏ត្រឹមត្រូវ និងច្នៃប្រឌិតរបស់បក្សលើការកសាងកងទ័ពប្រជាជនវៀតណាម កសាងខឿនការពារជាតិដោយប្រជាជនទាំងមូល និងកសាងប្រៀបការពារជាតិដោយប្រជាជនទាំងមូល​ដែលផ្សាភ្ចាប់ជាមួយនឹងប្រៀបការពារសន្តិសុខដោយប្រជាជន។ បញ្ជាក់អំពីដំណើរការកសាង ប្រយុទ្ធ និងរីកចម្រើន កត្តាសម្រេចដែលបង្កើតឡើងកម្លាំងខ្លាំងក្លារបស់កងទ័ពប្រជាជនវៀតណាម។ ទន្ទឹមនឹងនោះ បញ្ជាក់អំពីតួនាទី ឋានៈ និងសារៈសំខាន់ជាប្រវត្តិសាស្ត្រនៃកំណើតរបស់កងទ័ពប្រជាជនវៀតណាម និងទិវាការពារជាតិដោយប្រជាជនទាំងមូល បទពិសោធន៍ និងមេរៀនអនុវត្តក្នុងការកសាងកងទ័ពមានរបៀបរៀបរយ រឹងមាំ ឆ្ពោះទៅរកភាពទំនើប ការពារមាតុភូមិយ៉ាងរឹងមាំក្នុងស្ថានភាពថ្មី។

ទិដ្ឋភាពនៃកិច្ចប្រជុំ​

ថ្លែងក្នុងកិច្ចប្រជុំ លោក​ឧត្តមសេនីយ៍ឯក Le Huy Vinh បានស្នើឱ្យវិទ្យាស្ថានប្រវត្តិសាស្ត្រយោធា ស្រូបយកយោបល់ពីគណៈប្រតិភូ និងបំពេញផែនការរៀបចំសិក្ខាសាលាដាក់ជូនថ្នាក់ដឹកនាំក្រសួងការពារប្រទេសដើម្បីអនុម័ត។ នាយកដ្ឋានឃោសនា អប់រំ (អគ្គស្នងការដ្ឋាននយោបាយនៃកងទ័ពប្រជាជនវៀតណាម) សម្របសម្រួលជាមួយស្ថាប័ន អង្គភាពនានា ដើម្បីស្រាវជ្រាវយ៉ាងយកចិត្តទុកដាក់លើឯកសារប្រវត្តិសាស្ត្រ និងរៀបចំខ្លឹមសារដើម្បីផ្តល់ជូនទីភ្នាក់ងារសារព័ត៌មាន។ លោក​ឧត្តមសេនីយ៍ឯក Le Huy Vinh តម្រូវឱ្យភ្នាក់ងារ និងអង្គភាពនានា លើកកំពស់ទំនួលខុសត្រូវរបស់ខ្លួន បំពេញការងារ និងភារកិច្ចដោយជោគជ័យ និងធានាឱ្យការរៀបចំសិក្ខាសាលាប្រកបដោយជោគជ័យ៕

បកប្រែដោយ Duy Hoan