សកម្មភាពជាច្រើនប្រារព្ធខួបលើកទី ៨០ នៃការបង្កើតកងទ័ព

ទិដ្ឋភាពនៃសន្និសីទសារព័ត៌មាន

នៅក្នុងសន្និសីទសារព័ត៌មាន គណៈកម្មការរៀបចំបានផ្តល់ព័ត៌មានអំពីសកម្មភាពលេចធ្លោ និងមានអត្ថន័យជ្រាលជ្រៅក្នុងវិស័យជាច្រើនដែលត្រូវបាន និងកំពុងអនុវត្ត ដូចជា៖ ការឃោសនា ការអប់រំ ការប្រឡងប្រណាំង និងការផ្តល់រង្វាន់;  វប្បធម៌ អក្សរសាស្ត្រ សិល្បៈ កីឡា; ការតាំងពិព័រណ៍, ពិព័រណ៍; សិក្ខាសាលា ការពិភាក្សា ការប្រជុំ ការផ្លាស់ប្តូរ និងសកម្មភាពគោលនយោបាយ ចលនាមហាជន និងការតបស្នងសងគុណ។ ជាពិសេស ស្ថាប័ន អង្គភាពនានារបស់កងទ័ពបានសម្របសម្រួលជាមួយមូលដ្ឋាន ផ្តល់ជំនួយថវិកាសម្រាប់ជួសជុល និងតុបតែងទីសក្ការៈបូជា (នៅតាមផ្ទះ) របស់​យុទ្ធជននៃក្រុមឃោសនារំដោះវៀតណាម (ជាប្រភពដើមនៃកងទ័ពប្រជាជនវៀតណាម) សរុបជាទឹកប្រាក់ ២.៥៦ ពាន់លានដុង។ កងទ័ពទាំងមូលបានដាក់ពង្រាយជំនួយថវិកាសាងសង់ផ្ទះមន្សធ៌ម ផ្ទះមហាសាមគ្គី ផ្ទះយុទ្ធ​មិត្ត ចំនួន ២៣០៧៨ ផ្ទះ លុបបំបាត់ផ្ទះបណ្តោះអាសន្ន និងផ្ទះទ្រុឌទ្រោមជូនប្រជាជននៅតាម​មូលដ្ឋាន​នានា។

ប្រតីភូអញ្ជើញ​ចូល​រួម​សន្និសីទសារព័ត៌មាន

តាមការគ្រោងទុក ចាប់ពីថ្ងៃទី ១៩ ដល់ថ្ងៃទី ២២ ខែធ្នូ នៅអាកាសយានដ្ឋាន Gia Lam (ទីក្រុងហាណូយ) ក្រសួងការពារប្រទេស​នឹងរៀបចំការតាំងពិព័រណ៍ការពារជាតិអន្តរជាតិលើកទី ២ ឆ្នាំ ២០២៤ ជាមួយនឹងទំហំ និងកន្លែងតាំងពិព័រណ៌ធំជាងលើកមុន។ ក្នុងអំឡុងពេលពិព័រណ៍នេះ បន្ថែមពីលើសកម្មភាពទូទៅរបស់ថ្នាក់ដឹកនាំបក្ស រដ្ឋ និងគណៈប្រតិភូអន្តរជាតិ គណៈកម្មការរៀបចំនឹងបើកទ្វារឱ្យសាធារណជនចូលទស្សនាដោយឥតគិតថ្លែ (ចាប់ពីម៉ោង ១:៣០ រសៀល ថ្ងៃទី ២១ ដល់ថ្ងៃទី ២២ ខែធ្នូ)។

ពិធីរំលឹកខួបលើកទី ៨០ នៃទិវាបង្កើតកងទ័ពប្រជាជនវៀតណាម និងខួបលើកទី ៣៥ នៃទិវាការពារជាតិដោយប្រជាជនទាំងមូលនឹងប្រព្រឹត្តទៅនាព្រឹកថ្ងៃទី ២០ ខែធ្នូ នៅមជ្ឈមណ្ឌលសន្និបាតជាតិ (ស្រុក Nam Tu Liem ទីក្រុងហាណូយ)។

បកប្រែដោយ Duy Hoan