បញ្ជាការដ្ឋានយោធាខេត្ត Binh Thuan ពិនិត្យសុខភាពជូនអ្នកទទួលរបបឧបត្ថម្ភគោលនយោបាយ

នៅការពិនិត្យសុខភាពដោយឥតគិតថ្លៃ អ្នកទទួលរបបឧបត្ថម្ភគោលនយោបាយចំនួន ២៥០ នាក់ ត្រូវបានក្រុមគ្រូពេទ្យយកចិត្ដទុកដាក់ ពិនិត្យសុខភាព និងណែនាំរបៀបថែទាំសុខភាពនៅឯផ្ទះ និងរបៀបប្រើប្រាស់ថ្នាំពេទ្យប្រកបដោយប្រសិទ្ធភាព ទប់ស្កាត់​ និងបង្ការជំងឺមួយចំនួន។

ជួយមនុស្សចាស់ពិនិត្យសុខភាពដោយឥតគិតថ្លៃ

តាមរយៈការពិនិត្យសុខភាព វេជ្ជបណ្ឌិតឲ្យដឹងថា អ្នកជំងឺភាគច្រើនគឺជាមនុស្សចាស់។ ពួកគាត់តែងតែមានជម្ងឺលើសឈាម ឈឺឆ្អឹង និងសន្លាក់ ចុះខ្សោយរាងកាយនិងជំងឺភ្នែក... ក្រុមការងារបានផ្តល់ថ្នាំពេទ្យព្យាបាល និងណែនាំប្រជាពលរដ្ឋទៅកាន់មណ្ឌលសុខភាពជាប្រចាំ ដើម្បីពិនិត្យសុខភាពតាមកាលកំណត់។ អ្នកដែលមានភ្នែកខ្សោយនឹងបានវាស់ភ្នែក និងផ្តល់វ៉ែនតា ១ គូ។

ពិនិត្យសុខភាពជូនអ្នកទទួលរបបឧបត្ថម្ភគោលនយោបាយ

ពិនិត្យភ្នែកសម្រាប់អ្នកទទួលរបបឧបត្ថម្ភគោលនយោបាយ

នេះគឺជាសកម្មភាពជាក់ស្តែង និងមានអត្ថន័យរបស់អង្គភាពក្នុងឱកាសឆ្ពោះទៅខួបលើកទី ៧៧ នៃទិវាយុទ្ធជនពិការនិងយុទ្ធជនពលី (ថ្ងៃទី ២៧ ខែកក្កដា ឆ្នាំ ១៩៤៧ / ថ្ងៃទី ២៧ ខែកក្កដា ឆ្នាំ ២០២៤) សំដៅសម្តែងការដឹងគុណចំពោះអ្នកទទួលរបបឧបត្ថម្ភគោលនយោបាយនៅមូលដ្ឋាន អាស្រ័យហេតុនេះ បង្ហាញពីមនោសញ្ចេតនានិងទំនួលខុសត្រូវរបស់កម្មាភិបាលនិងយុទ្ធជន និងគ្រូពេទ្យចំពោះគ្រួសារទទួលរបបឧបត្ថម្ភគោលនយោបាយ លើកកម្ពស់ជីវភាពរស់នៅរបស់ប្រជាជន និងកសាងសាមគ្គីភាពជិតស្និទ្ធរវាងកងទ័ពនិងប្រជាជន៕

បកប្រែដោយ Thanh Cong