កម្មវិធីជួបប្រាស្រ័យនាយទាហានវ័យក្មេងវៀតណាម-ចិនឆ្នាំ២០២៤
កប.អនឡាញ - តបតាមការអញ្ជើញរបស់ក្រសួងការពារជាតិចិន គណៈប្រតិភូនាយទាហានវ័យក្មេងនៃកងទ័ពប្រជាជនវៀតណាម រួមមាននាយទាហានចំនួន ៥០ នាក់ មកពីស្ថាប័ន អង្គភាពនានាក្នុងកងទ័ពទាំងមូលដឹកនាំដោយលោកវរសេនីយ៍ឯក Tran Huu Dung អនុប្រធានគណៈយុវជនកងទ័ពអញ្ជើញទៅចូលរួមកម្មវិធីជួបប្រាស្រ័យនាយទាហានវ័យក្មេងវៀតណាម-ចិនឆ្នាំ ២០២៤ ចាប់ពីថ្ងៃទី ១៤ ដល់ថ្ងៃទី ២០ ខែមិថុនា នៅប្រទេសចិន។
នាព្រឹកថ្ងៃទី១៤ មិថុនា លោកវរសេនីយ៍ឯក Zhutingchuan ប្រធានការិយាល័យស្រាវជ្រាវការងារនយោបាយយោធា វិទ្យាស្ថានវិទ្យាសាស្ត្រយោធាចិន បានអញ្ជើញមកដល់ច្រកទ្វារព្រំដែនមិត្តភាព Guan (Guangxi ប្រទេសចិន) ដើម្បីទទួលស្វាគមន៍គណៈប្រតិភូ។
នារសៀលថ្ងៃដដែល គណៈប្រតិភូបានអញ្ជើញទៅទស្សនាតំបន់រំលឹកវិញ្ញាណក្ខន្ធលោកប្រធានហូជីមិញ ដែលជាកន្លែងដាក់តាំងរូបថត ឯកសារ និងវត្ថុជាច្រើនអំពីលោកប្រធានហូជីមិញ និងជាសក្ខីភាពសម្រាប់ទំនាក់ទំនងមិត្តភាពរវាងវៀតណាមនិងចិនក្នុងប្រវត្តិសាស្ត្រតស៊ូដណ្ដើមឯករាជ្យ និងសេរីភាពនៃប្រទេសជាតិទាំងពីរ ព្រមទាំងអញ្ជើញទៅទស្សនាតំបន់កុបកម្ម Longzhou ស្រុក Longzhou ខេត្ត Guangxi ។
|
|
លោកឧត្តមសេនីយ៍ត្រី Zhangjiahong អញ្ជើញជាអធិបតីក្នុងពិធីលៀងសាយភោជន៍ជូនគណៈប្រតិភូនាយទាហានវ័យក្មេងនៃកងទ័ពប្រជាជនវៀតណាម |
នាយប់ថ្ងៃដដែល លោកឧត្តមសេនីយ៍ត្រី Zhangjiahong អនុប្រធាននយោបាយនៃយោធភូមិភាគ Guangxi កងទ័ពរំដោះប្រជាជនចិនបានអញ្ជើញជាអធិបតីក្នុងពិធីលៀងសាយភោជន៍ជូនដល់គណៈប្រតិភូនាយទាហានវ័យក្មេងនៃកងទ័ពប្រជាជនវៀតណាម។
ក្នុងក្របខ័ណ្ឌនៃកម្មវិធីនេះ គណៈប្រតិភូនាយទាហានវ័យក្មេងនៃកងទ័ពប្រជាជនវៀតណាមនឹងចូលជួបសម្តែងការគួរសមជាមួយថ្នាក់ដឹកនាំនៃវិទ្យាស្ថានវិទ្យាសាស្ត្រយោធាចិន និងចូលរួមជំនួបប្រាស្រ័យរវាងនាយទាហានវ័យក្មេងនៃប្រទេសទាំងពីរ; អញ្ជើញទៅទស្សនាអង្គភាពមួយចំនួននៃកងទ័ពរំដោះប្រជាជនចិន និងទស្សនាតំបន់កេរ្ដិ៍ដំណែលប្រវត្តិសាស្ត្រ និងរម្មណីយដ្ឋាននៅប្រទេសចិន...
កម្មវិធីជួបប្រាស្រ័យនាយទាហានវ័យក្មេងវៀតណាម-ចិន គឺជាសកម្មភាពបង្កើនការយល់ដឹងគ្នាទៅវិញទៅមករវាងនាយទាហានវ័យក្មេងនៃប្រទេសទាំងពីរ។ ផ្សព្វផ្សាយនិងអប់រំនាយទាហានវ័យក្មេងនៃប្រទេសទាំងពីរលើការថែរក្សា និងពង្រីកទំនាក់ទំនងភាពជាដៃគូសហប្រតិបត្តិការយុទ្ធសាស្ត្រគ្រប់ជ្រុងជ្រោយរវាងវៀតណាមនិងចិន និងទំនាក់ទំនងរវាងកងទ័ព និងប្រជាជននៃប្រទេសទាំងពីរ៕
បកប្រែដោយ Pham Diep