បញ្ជាការដ្ឋានកងឆ្មាំសមុទ្រ៖ ស្រាវជ្រាវ និងរៀបចំការប្រកួត "សិស្សស្រលាញ់សមុទ្រ និងកោះរបស់មាតុភូមិ" ទូទាំងប្រទេស

លោកឧត្តមសេនីយ៍ទោ Bui Quoc Oai ប្រធាននយោបាយនៃកងឆ្មាំសមុទ្របានអញ្ជើញជាអធិបតីនៃកិច្ចប្រជុំ។។ អញ្ជើញចូលរួមកិច្ចប្រជុំនេះមានថ្នាក់ដឹកនាំ និងអ្នកជំនាញមកពីស្ថាប័នមានសមត្ថកិច្ចមួយចំនួននៃក្រសួងការពារប្រទេស គណៈកម្មាធិការមជ្ឈិមសម្ព័ន្ធយុវជនកុម្មុយនិស្តហូជីមិញ និងខេត្តក្រុងជាប់មាត់សមុទ្រមួយចំនួន។

លោកឧត្តមសេនីយ៍ទោ Bui Quoc Oai ប្រធាននយោបាយនៃកងឆ្មាំសមុទ្រអញ្ជើញជាអធិបតីនៃកិច្ចប្រជុំ

អង្គប្រជុំវាយតម្លៃថា គម្រោងរៀបចំការប្រកួត “សិស្សស្រលាញ់សមុទ្រ និងកោះរបស់មាតុភូមិ” ទូទាំងប្រទេសក្នុងអំឡុងឆ្នាំ ២០២៤-២០៣០ និងឆ្នាំបន្តបន្ទាប់ទៀត មានតួនាទីសំខាន់ក្នុងការងារឃោសនាផ្សព្វផ្សាយ និងអប់រំអំពីសមុទ្រ និងកោះអំពីច្បាប់វៀតណាម និងអន្តរជាតិស្តីពីសមុទ្រ និងកោះជូនប្រជាជនគ្រប់ស្រទាប់វណ្ណៈ ដោយផ្តោត​លើសិស្សអនុវិទ្យាល័យនៅតាមខេត្តក្រុងទូទាំងប្រទេស។

ទិដ្ឋភាពនៃកិច្ចប្រជុំ​

ការប្រកួតនេះក្នុងគោលបំណងផ្តល់ចំណេះដឹងដល់សិស្សានុសិស្ស ពូនជ្រំការស្នេហាជាតិមាតុភូមិ ស្រឡាញ់សមុទ្រ និងកោះ ហើយទន្ទឹមនឹងនោះ លើកទឹកចិត្ត បំផុសសេចក្តីប្រាថ្នា ឧត្តមគតិជូនយុវជនជំនាន់ក្រោយ រួមចំណែកជួយកងកម្លាំងសមុទ្រ​វៀតណាមបំពេញមុខងារ និងភារកិច្ចរបស់ខ្លួនបានល្អក្នុងស្ថានភាពថ្មី៕

បកប្រែដោយ Duy Hoan